හොඳ ගැහැණුන්ට නරක පිරිමි ලැබෙන්නේ ඇයි?

 ටොක්සික් මිනිසුන් නිතරම දඩයම් කිරීම සඳහා ගොදුරැ සොයමින් සිටී. ඔවුන් ඔබට ළං වීමට පෙර සූක්‍ෂම ලෙස ඔබව නිරීක්ශනය කරයි. ඔබගේ ඇතැම් වීක් පොයින්ට් දැක ගැනීමට ලැබුන විට, ඔබ ඔවුන්ට අවශ්‍ය ගොදුර බවට හඳුනාගනී. අනතුරැව ඔවුන් ඔබ ඉදිරියෙහි රඟපා ඔබව ගොදුරැ කර ගනී. අනතුරැව ඔබේ හපය විසි කර වෙන ගොදුරක් කරා යයි.

හප වූ ඔබ අඬා වැළපෙමින්, ඩිප්‍රෙශන් බේත් බිබී, ආර්ථිකව සහ සමාජයීයව බංකොළොත් වී  ඔබේ වටිනා ජීවිතයේ තෙරපි මගින් වත් සුව නොවන මට්ටමේ කැළැල් හදා ගනී.

අවාසනාවකට, මේ වීක් පොයින්ට් තියෙන්නේ හොඳ කාන්තාවන් ලඟය. ඒ මොනවාද?

1. සහකම්පනය - සහකම්පනයක් සහිත කාන්තාවන්ට ගොදුරැ සොයන තිරිසනුන් ආකර්ශනය වන්නේ මැග්නට් එකකට මෙනි. මගේ කසාද ගෑනි මට සළකන්නෙ නෑ කියමින් සහකම්පනයක් සහිත කාන්තාවන් ගොදුරැ කර ගන්නා විවාහක පිරිමි හොඳ උදාහරණයකි. සහකම්පනයක් නැති කාන්තාව "ඉතින් මට පාන්ද භල්ලො" කියා ඉවත් වෙද්දී සහකම්පනයක් සහිත කාන්තාව පව් කියා හිත හැදීමට ගොස් කෙළවා ගනී.

2. ආගම හරියට ඇදහීම - තමන්ගෙ ආගම හරියට අදහන කාන්තාවන්ද ගොදුරැ සොයන තිරිසනුන්ට පේන්නේ  මැග්නට්  මෙනි. මෙවැනි කාන්තාවන් ආගමානුකූළ ඉගැන්වීම් අනුව ජීවත් වෙන්න හදයි. ගොදුරැ සොයන තිරිසනෙකු ගේ රතු කොඩි දැක්කද, බුද්ධාගමේ හැටියට මගේ සසර ගනුදෙනු පියවීමට කියා හෝ කතෝළික නම් දෙවියන්ට යාඥා කර මිරැකල් එකක් බලාපොරොත්තුවෙන් තිරිසනාව අත නොහැර සිටී. ආගම් වලද දික්කසාදය ආදිය ටැබූ ලෙස දකිනා බැවින් මෙය තිරිසනාට තවත් වාසි දායකය. ආගමක් නැති කෙල්ලක් සෙරෙප්පුවෙන් ගසා එළවන මිනිහෙකු ආගම අදහන කෙල්ලක් සසර ගනුදෙනු පියවීමට හෝ මිරැකල් එකක් බලාපොරොත්තුවෙන් තදින් අල්ලාගෙන සිටී.

3. දැඩි හර පද්ධතියක් (moral compass) තිබීම - දැඩි හර පද්ධතියක් ඇති කාන්තාවද ආගමික කාන්තාවට සමානය. තමන් විශ්වාස කරන හර පද්ධතිය රැකීමට තිරිසනෙකු අත නොහරී. උදාහරණයකට, ජීවිතේටම එකෙක් එක්ක සෙස් කරන බවට දැඩි හර පද්ධතිය තුළ ප්‍රතිපත්තියක් ඇති කාන්තාවට ඒ බව දැන දැන සෙට් වන නරැමයා ඇයට බල කර සෙස් කරයි. ඉන්පසුව ඇයට මොන බලුකම කලත් ඇය තමා හැර නොයන බව ඔහු දනී.

4. ශක්තිමත් ස්වාධීන කාන්තාව - ගොදුරැ සොයන තිරිසනුන් මෙවැනි ගැහැණුන් ලඟ ඇති රිසෝසස් වලට වහ වැටෙන්නේ පිස්සු බල්ලන් මෙනි. ඇය තමන්ව ලස්සනට තබා ගනී, ආචාරශීලීයි, බුද්ධිමය සංවාදයක යෙදිය හැක, මුදල් උපයයි. ගෙදරට වී බත් තම්බන ලෝකය ගැන නොදත් නූගත් ඊරිසියාකාර මොට්ට ගෑණු ඉතා බෝරින් නිසා පමණක් නොව ගොදුරැ සොයන තිරිසනුන් මෙවැනි ගැහැණුන් සෙට් කරන් ඒ ගෑණු සිඳ බිඳ දැමීමෙන් ඉමහත් තෘප්තියක්ද ලබයි. කසාද බඳිනකම් සද්ද නැතුව ඉඳ ඊට පසු නීති දැමීම, පහර දීම ආදිය පටන් ගෙන ඒ ගෑණු සිඳ බිඳ දැමීමෙන් ඉමහත් තෘප්තියක් ලබයි. 

හොඳ ගැහැණුන්ට නරක පිරිමි ලැබෙන්නේ ඒ නිසාය. ඔබ හොඳ ගැහැණියක් නම් ඔබ ගොදුරැ සොයන තිරිසනුන් ගේ ටාගට් එකක් බව ඔබ දැන ගත යුතුය.

හොඳ කාන්තාවන් ඇඩප්ටබල් වීමටත් cost benefit analysis එකක් කිරීමටත් ඉගෙන ගත යුතුය. උදාහරණයකට ජීවිතේටම එකෙක් එක්ක සෙස් කරන බවට දැඩි ප්‍රතිපත්තියක් ඇති කාන්තාව, තමන් නරැමයෙක්ට රැවටී ඇති බව තේරැම් ගත් විට, අළුත් තත්වයට ඇඩප්ට් වී, නරැමයා අතහැර, මින් ඉදිරියට එකෙක් එක්ක සෙස් කරන බවට තම ප්‍රතිපත්තිය සංශෝධනය කර ගත යුතුය.

ඔබ හොඳ ගැහැණියක් නම් ඔබ අනිවාර්‍යයෙන්ම බවුන්ඩරීස් දැමීමටත් තමන්ගේ ස්ටෑන්ඩර්ඩ්ස් මොනම හේතුවකටවත් පහළ නොදැමීමටත්, සහකම්පනය නිසා පව් කියා නොඉවසීමටත් ඉගෙන ගත යුතුය. එමෙන්ම ඔබට හොඳකම නිසා කෙළවුනා නම් ඔබටම සමාව දී නැගී සිටින්න.

මගේ සර්කල් එකේ කාන්තාවන්ට මම නිතරම කියන දෙයක් ඇත. එනම්, "Keep your boundaries strong, your standards high and your tolerance low"

නරැමයන්ගේ මැග්නට් එකක් බවට පත් වී හප වෙච්ච ගෑණු ලෙස මාලනී ෆොන්සේකා, රැක්මණී දේවී, සහ නිල්මිණි තෙන්නකෝන් ආදීන් උදාහරණ වේ. බවුන්ඩරීස්, ස්ටෑන්ඩර්ඩ්ස් සහ ලෝ ටොලරන්ස් නිසා හොඳ ජීවිතයක් ලද්දවුන් ලෙස මධුරි ඩික්සිත්, අචලා අලස් ආදීන් උදාහරණ වේ.

තරැණ දියණියන් සිටින සියළුම දෙමව්පියන් තම දියණියන්ට සමාජයට යැවීමට පෙර මේ බව කියා දිය යුතුය. අන් කවරදාකටත් වඩා නරැම පිරිමින්ගේ වැඩි වීමක්ද, සමාජ මාධ්‍ය මෙබඳු නරැම පිරිමින්ගේ කෙළිබිමක් බවට පත් වීමද නිසා, මේවා තේරැම් කර නොදී සමාජයට යවන දියණියක් ආයුද නොදී යුද පිටියකට යවන සොල්දාදුවෙක් වැනිය.

හොඳ පිරිමින්ද තමන්ගෙ ජාතියට සපෝට් කිරීමට නරක පිරිමින් හොඳ කාන්තාවන්ව විනාශ කරන විට, ඔවුන්ව සුද්ද කිරීමේදී සිදු වන්නේ තමන්ට හොඳ ගැහැණියක් ලබා ගැනීමේ සම්භාවිතාව අවම කර ගන්නා බව තේරැම් ගැනීම වැදගත් වේ. 

ඉස්සර අපේ අම්මල ළමයි දහයක් දොළහක් හැදුව, දැන් ගෑණුන්ට එක ළමයෙක් හදන්නත් බෑ - මගේ සත දෙක

අද කාලයේ ඉහත සඳහන් කල චෝදනාව ගොඩක් සමාජ මාධ්‍ය තුළ මම දකිනවා. මේ චෝදනාව සමඟම ඊළඟට එල්ල වන චෝදනාව තමයි මෙහෙම ගියොත් අපේ ජාතිය වඳ වෙලා අහවල් ජාතිය වැඩි කල් යන්නට පෙර රට අල්ලයි කියන කාරණය.

මම ඉස්සෙල්ලම දෙවනි මතය ගැන කතා කරල ඉන්නම්, ගාසා තීරය උදාහරණයකට අරගෙන.

ගාසා වල ස්ටැටිස්ටික්ස් ටිකක් ගැන කතා කරන එක වැදගත් කියල මට හිතුනා. ගාසා තීරය භූමි ප්‍රමාණයෙන් ඉතාම පොඩියි. මේක තේරැම් ගන්න ලන්කාව එක්ක කම්පෙයා කලොත්, ලන්කාව දළ වශයෙන් වර්ග කිලෝ මීටර් 65 610.2 වෙද්දී ගාසා තීරය 365 ක් පමණයි. ඒ කියන්නෙ ලෝකයේ කුඩා රටක් වෙච්ච ලන්කාවෙන් 0.006ක ඉඩම් ප්‍රමාණයක් පමණයි, වෙන වචන වලින් කිව්වොත්, ලන්කාව කියන්නෙ ගාසා තීරය වගේ 180 ගුණයක් ඉඩම් සහිත රටක්. හැබැයි ජනගහණය ගත්තොත් (යුද්ධයට පෙර තිබූ statistics), ගාසා වල 2,375,259 සහ ලන්කාවේ 20,277,600. ඒ කියන්නෙ ලන්කාවෙ ජනගහණයෙන් දළ වශයෙන් අටෙන් පන්ගුවක් ගාසා වල ජීවත් වෙනවා. ගාසා වල තරැණ විරැකියාව පිරිමි 34% පමණ සහ ගැහැණු 69% පමණ වෙනවා. එහෙම තියෙද්දී එක පවුළක ඇවරේජ් ළමයි ගණන 4+ උනා. ගාසා වල බාගෙකට හරි හමන් ජීවනෝපායක් නැතිව,  තදබද වීගෙන ළමයි හැදුවේ ඔය කියන දෙවනි මතයේ ආකාරයට හිටු කියල ළමයි හදල ජාතිය නගා සිටුවීමට තමයි. නමුත් අද මොකද වෙලා තියෙන්නෙ කියල හැමෝම දන්නව. අද වන විට ගාසා තීරය ඔවුන්ට අහිමි වෙන්නත් ඉඩ තියෙනව. හදපු ළමයි අන්ත දුකේ. ඒ නිසා, තනි තනිව හිටු කියළ ළමයි බෝ කලා කියල ජාතියක් නැගී හිටින්නෙ නැති බව ඔබට තේරෙන්න ඕනේ. සිංගප්පූරැව නැගී සිටියේ හිටු කියළ ළමයි බෝ කරලා නෙමේ, නිවැරදි දේශපාලන නායකත්වය, විනය, ආගම රාජ්‍ය පාළනයට නොගෑවීම, සහ ශක්තිමත් නීතියේ ආධිපත්‍යය ආදී කාරණා වලින්.

ඉස්සර අපේ අම්මල ළමයි දහයක් දොළහක් හැදුව, දැන් ගෑණුන්ට එක ළමයෙක් හදන්නත් බෑ කියන මතය ගැන කතා කළොත්, ඔය කියන ඉස්සර කාලේ තාත්තල කරපු කුඩා රස්සාවෙන් ගත්ත කුඩා වැටුප ළමයි හත අටකට කන්න අඳින්න දෙන්න සෑහුනා. අම්මල රස්සා කලේ නැහැ. නමුත් අද හොඳ ඉහළ රස්සා කරන තාත්තලයි, රස්සාවට යන අම්මලයි ගන්න වැටුප් දෙක එකතු කරත් ගෙදර වියදම් අතහැරියම ආර්ථිකව ළමයි දෙන්නෙකුට වඩා හදන්න අමාරැයි. ඒ කියන්නෙ, රටේ දේශපාළකයො එන්න එන්නම රට ආර්ථිකව වට්ටන නිසා රටවැසියන්ට තියන ජීවන යුද්ධය එන්න එන්නම වැඩි වලා තියෙනවා. නමුත් පවතින ආර්ථිකය කාලයත් සමඟ එන්න එන්න අගාධයට ගෙන යන දූෂිත දේශපාළනමය සහ සමාජයීය සාධක වලට එරෙහිව නැගී සිටීම වෙනුවට ගෑණුන්ට චෝදනා කරන එක පහසුයි. 

ඒක එක පැත්තක්.

ළමයි හදන ආකාරය එදාට වඩා අද වෙනකොට විකෘතිතාවයට ලක් වීම එහි අනිත් පැත්ත. මිනිසා කියන්නේ සාමූහික සතෙක්. ඉස්සර ළමයි හැදීමේදී සාමූහික ස්වභාවයක් තිබුනා. ළමයි නිවාඩු දවස්වල උදේ ගමේ ළමයි එක්ක සෙල්ලමට ගියාම ආයෙ එන්නෙ හවස. දවල්ට ගමේ කාගෙ හරි අම්මෙක්ගෙ ගෙදරකින්  ළමයි ඔක්කොමල කනව, නැත්නම් ගඩාගෙඩි කනව. ආයෙ ඇඩල්ට් සුපවිෂන් කියල දෙයක් තිබ්බෙ නෑ. මූළික අවශ්‍යතා සරළයි. මේ සාමූහිකව ළමයි හැදීම සහ සමාජයේ සරළ බව නිසා ළමයි හත අට හැදුව අම්මලට අඩු විඩාවකින් වැඩ කර ගන්න ලැබුණ. ඒ වගේම ගමේ අනිත් මිනිස්සු එක්ක සෝෂලයිස් වෙන්න පුළුවන් වෙච්ච නිිසා මානසික ආතතිය අඩු උනා. 

දැන් ඒ සාමූහිකත්වය නැහැ. ඒ වගේම සමාජය දරැණු වෙලා. ඒ නිසා තනි තනි ළමයව 24/7 බලාගන්න තනි තනි අම්මලට සිදු වලා, ඒ ගමන්ම වැඩට යන්නත් වෙලා, ඒ ගමන්ම සමාජය සංකීර්ණ වලා නිසා හැම කුඩා දෙයක්ම සංකීර්ණ වලා. උදාහරණයකට, ඔය කියන ඉස්සර අම්මල බොඩි මේන්ටේන් කියල ශේව් කරල, ඇහි බැමි හදල, ක්‍රීම් ගාල, නියපොතු ලස්සනට තියන්, කොණ්ඩෙ ස්ට්‍රේට් කරන්, ලස්සනට පිළිවෙළට ඇඳළ කරල හිටියෙ නැහැ. ඒ කාලෙ පිරිමින්ට ඒක ගැටළුවක් උනේ නැහැ. ඒ කියන්නෙ බාහිර පෙනුම සරළ තැන ඉඳල සංකීර්ණ තැනකට ඇවිත්. උගත්කමත් එහෙමයි, ටෙලිග්‍රෑම් එකක් කියවන මට්ටමට අකුරැ දැනගත්තාම ඇති කියල තිබුන සරළ තැන ඉඳල උපාධි වගේ සංකීර්ණ තැනකට ඇවිත්. වත්තෙ හිටවපු කොස් දෙල් අල බතල වගේ  සරළ තැන ඉඳල නොයෙක් රසවත් සංකීර්ණ කෑම කන තැනට ඇවිත්. 

 ඒ වගේම කසාදය කියන්නෙ ගෑණුන්ට පට්ට අවාසිදායක තැනකට ඇවිත්. 

පිරිමියා ගත්තොත් කසාද බඳින්න කළින් කර කර හිටපු රස්සාවටම කසාද බැන්දට පස්සෙත් යනවා, කසාද බඳින්න කළින් හිටපු ගෙදරම  කසාද බැන්දට පස්සෙත් ඉන්නවා, කසාද බඳින්න කළින් අම්ම අතට පයට කරපු ගෙදර වැඩ කසාද බැන්දට පස්සෙ බිරිඳ කරල දෙනවා, කසාද බඳින්න කළින් හිටපු යාළුවො සහ තිබ්බ හොබීස් කසාද බැන්දට පස්සෙත් කරනවා (ඒකට පහසුකමුත් සමඟ, බොන එකාට කඩේ බයිට් වෙනුවට ගෙදර බයිට් ලැබෙනව වගේ), ඊට අමතරව ලිංගික තෘප්තිය, දෑවැදි හෝ විවාහක බිරිඳගේ වැටුප වගේ අමතර ආදායමකුයි, තමන්ගෙ වයසක අම්ම තාත්තගෙ වැඩට නොමිලේ නර්ස් කෙනෙකුයි, තමන්ගෙ මේස් එකේ අනිත් කකුළ සොයල දීමේ ඉඳල දොස්තර එපොයින්ට්මන්ට් එක මතක් කිරීම දක්වා වැඩ කරල දෙන ෞද්ගළික ලේකම් කෙනෙකුයි ආදී ලෙස බහුකාර්‍ය සේවිකාවක් ලැබෙනවා. කැමතිනම් අතේ පයේ හිරි ඇර ගන්නත් ඇයව පාවිච්චි කළ හැකියි.

ගෑණුන්ට, කසාද බඳින්න කළින් කර කර හිටපු රස්සාව කසාද බැන්දට පස්සෙ නැති වෙනවා, කසාද බඳින්න කළින් හිටපු යාළුවො සහ තිබ්බ හොබීස් කසාද බැන්දට පස්සෙ ඉවරයි, කසාද බඳින්න කළින් හිටපු ගෙදර සහ පරිසරය, කෑමබීම වගේ සියළුම කොම්ෆට්ස් රහිත අළුත් තැනකට යන්න ෙනවා, කසාද බඳින්න කළින් කරපු ගෙදර වැඩ කසාද බැන්දට පස්සෙ ඩබල් ට්‍රිපල් වෙනවා, බහුතරයකට  ලිංගික තෘප්තිය රහිත සෙස්, සැමියාගේ පවුලේ අයගේ වැඩ - වයසක අම්ම තාත්තගෙ වැඩ වගේ ඒවා කරන්නට උනත් බොහෝ විට හොඳක් අහන්නේ නැහැ, තමන්ගෙ මේස් එකේ අනිත් කකුළ සොයල දීමේ ඉඳල දොස්තර එපොයින්ට්මන්ට් එක මතක් කිරීම දක්වා වැඩ කරල දිය යුතු මට්ටමට වෙපනයිස්ඩ් ඉන්කම්පිටන්ස් එකක් සහිත මනුස්සයෙකුයි බොහෝ කාන්තාවන්ට ලැබෙන්නේ. ඒ ඔක්කොටම වඩා, තමන්ගෙ ජීවිතය පරදුවට තියල ළමයෙක්ව බිහි කරල, නිදි නොලැබ දුක් විඳල ලොකු කරල, පොඩ්ඩ එහෙ මෙහෙ උනාම "ගහේ කටු උල් කරන්න ඕනෙද", "මව හොඳ නම් දුව බ්ලා බ්ලා" අහ ගන්න වෙනව. ඒ කරල තව ගෘහස්ථ හින්සන, සැමියා වටේ යෑම වැනි මරාළ වලටද කර ගසයි.

රිසර්ච් වලට අනුව වඩාත්ම සතුටින් ඉන්නෙ අවිවාහක සහ දික්කසාද ගෑණු බවත්, විවාහක ගෑණු තදබල මානසික ආතතියකින් ඉන්න බවත් සොයාගෙන තියෙනවා.

ඒ වගේම විවාහක පිරිමි අවිවාහක පිරිමින්ට වඩා සතුටින් ඉන්න බවත්, අවිවාහක පිරිමින්ට වඩා  දිග කාලයක් ජීවත් වෙන බවත් සොයාගෙන තියෙනවා.

ඉතින් මේ තත්වෙ යටතෙ අතින් කාල හරක් බලන බව තේරිලා ගෑණු විවාහ නොවී ඉන්න ප්‍රවණතාවයත් වැඩි වෙලා තියෙනව. විවාහ උනත් ඒ කපල් ළමයි නොහැදීමේ ප්‍රවණතාවයත් වැඩි වෙලා තියෙනව.

ඉතින් මේ ළමයි ළමයි නොහැදීමේ ප්‍රවණතාවය අවුළක් උනේ කාටද? මෙහෙම හිතන්න. බැටළු රැළකින් දඩයම් කරමින් ජීවත් වෙන වෘක රැළක් ඉන්නවා. බැටළු රැළ වැඩි වෙන තරමට වෘක රැළට හොඳයි. මේ බැටළු රැළ ඔබ සහ මම වන අතර වෘක රැළ ආගමික පූජකයන්, වෙළෙන්දන්, සහ දේශපාළකයන් ය. ආගමික පූජකයන්ට ඔබේ දරැවා දායකයෙකු ලෙසද, වෙළෙන්දන්ට ඔබේ දරැවා පාරිභෝගිකයෙකු ලෙසද, , සහ දේශපාළකයන්ට ඔබේ දරැවා ඡන්ද දායකයෙකු ලෙසද අවශ්‍ය වේ. එපමණක් නොව ඔබේ දරැවා නූගතෙකු වන තරමට ඔවුන් කැමතිය. මේ තුන් ගොල්ල රටේ ආර්ථිකය විනාස කල අය බවද මතක් කල යුතුය. ඉතින් බැටළුවො පැටව් ගහන එක අඩු කරපු ගමන් වෘකයො ටික ටිපර් වෙලා රෙදි කරේ තියාගෙන එනව.

එබැවින්, මෙම ලිපිය කියවන කාන්තාවන්, සමාජයේ romanticized කරල තියෙන ළමයි හැදීම ගැන යථාර්ථවාදීව හිතා බලා පමණක් ළමයි හැදිය යුතුය. ශිෂ්ඨාචාරයේ දෙවන පෙළ පුරවැසියන් වන ඔබ නොව එය රැකිය යුත්තේ එහි පළමුපෙළ පුරවැසියන් වන පිරිමිය. ඔවුන් එය ඔබේ කර මත පටවා ආතල් එකේ අඩියක් පුඩියක් ගහන් ඉඳී. එම නිසා ශිෂ්ඨාචාර රැකීම නොව ඔබේ වගකීම ඔබව රැකීමයි. ජනගහණය අඩු වන විට දේශපාළකයන්ට ඔබේ ආර්ථිකය සමඟ නටන්නට ලැබෙන්නේ නැත. ඔබ දුෂ්කර ආර්ථිකයක් තිබියදීත් නොකා නොබී ළමයි හදන තරමට දේශපාළකයා ඔබේ ආර්ථිකය තව තවත් බිඳ ඳමයි.  

මෙම ලිපිය කියවන පිරිමින් ගැහැණුන්ට චෝදනා කිරීම වෙනුවට පවතින දේශපාළනික, ආර්ථික, සහ සමාජමය තත්වයන් ඉහළ නැංවීම සඳහා වැඩ කල යුතු බව මම සිතමි. මන්ද පාර්ලිමේන්තුවේ, ආගමික ස්ථාන සහ ආයතන වල ඉහළ පුටු සමඟ බලය අල්ලාගෙන ඉන්නේ පිරිමින් මිස ගැහැණුන් නොවන බැවිනි.

අනුදිගෙ තාත්ත ගැන කතා කරමු

 

අනුදි ගැන බොහෝ දෙනෙක් කතා කරන මේ වෙලාවෙ, අනුදි වගේ පෞරැෂයක් තියෙන කෙල්ලෙක් හදපු තාත්ත ගැන ටිකක් කතා කරන්න ඕන කියල හිතුවා.

ලංකාවේ තියෙන ටොක්සික් පුරැෂමූළික හෙජමොනිය ගැන හොඳටම දන්නෙ ලංකාවේ පිරිමි නිසා ලංකාවේ තාත්තල ගෑණු ළමයින්ව හදන්නේ දැඩි සීමා පනවල. පවතින තත්වයෙන් තමන්ගෙ දුවව බේරන එක පවතින තත්වය වෙනස් කිරීම වෙනුවට බොහෝ වේලාවට ඔවුන් තෝරා ගන්නවා.

ළංකාවෙ බියුටි පැජන්ට් කියන්නෙ ටොක්සික් පුරැෂමූළික හෙජමොනියෙ ඉහළ ඇවරියෙ ඉන්න බලවත් පෝසත් නාකි පිරිමින්ට (සහ උන්ගෙ සල්ළාල පුත්තුන්ට) ලස්සන ගෑනු සපයන ප්‍රොජෙක්ට් එකක් ලෙසයි අනාදිමත් කාලයක සිට පැවත එන්නෙ. ලස්සන ගෑනු  හොයා ගන්න  බියුටි පැජන්ට්ම අවශ්‍ය නැති උනාට, මේ පිරිමින්ට මෙවැනි ටයිටල් සහිත ෆ්‍රෙෂ් මීට් ට්‍රෝපි හන්ට් කරන එක වඩාත් විනෝදාත්මක උනා. ඒ නිසා තමන්ගෙ දුවට ලොකු බියුටි පැජන්ට් එකකට තබා ගමේ අවුරැදු කුමාරි තරඟෙට යන්නවත් නොදී, ගහල බැනල, කැම්පස් තේරැණ කෙල්ලට කැම්පස් යන්න නොදී, වැඩිම ලංසුව තිබ්බ බලවත් පෝසත් ඩයල් එකට බන්දන තාත්තල ඉන්න රටක, අනුදිට සපෝටිව් තාත්ත කෙනෙක් ඉන්න එක ඇයගේ ජයග්‍රහණයේ සෙවණැල්ලයි.

ලංකාවේ පිරිමි ළමයි හදන්න හරිම කැමතියි, මොකද සාම්ප්‍රදායික සමාජෙ පුරැෂමූළික පිරිමින්ගේ සරැ භාවය පිළිබඳ ඊගෝ එක සැටිස් වෙන්න නම් ළමයි ඉන්ට ඕනෙ. හැබැයි ළමයි හදන්න හරිම කැමති පිරිමි 90%ක් හදන ළමයින්ට හොඳ තාත්තල වෙන්ට කැමති නැහැ, සූදානම් නැහැ, නැත්නම් දන්නෙ නැහැ.

ලංකාවේ ලස්සන නිසා ඉහළ ගියපු නමුත් කාඩ් ඉරාගත්ත ගෑණුන්ගෙ තාත්තලව කවදාවත් දැකල තියෙනවද? අනර්කළී, දමිතා, හංසමාලි වගේ ගෑණුන්ගෙ අම්මල නිතර දැකල තිබුනත්, තාත්තලව කවදාවත් දැකල තියෙනවද? 

තමන්ගෙ හයියට පොඩිකාලේ ඉඳල ඉන්න, තමන්ගෙ අම්මව බලාගෙන පවුලේ ගෘහ මූළිකය විදිහට රකින, තමන්ව තේරැම් ගත්ත තාත්තෙක් ලැබෙන එක තරම් වාසනාවක්ද?

මේ වගේම ලස්සන දක්ශ සමහර දුවලගෙ තාත්තල බේබද්දො නිසා මේ මගේ තාත්ත කියල ආඩම්බරයෙන් රටට පෙන්නන්න බැහැ, සමහර තාත්තල පවුළෙන් ඈත් වෙලා දුවල ඉන්නවද මළාද බලන්නෙ නැහැ, සමහර තාත්තල රට වටේම වංච් කර කර යනව ඒවට අහු උන මිනිස්සු දුවලට පාර තොටේදි පවා බැණ වදිනව, සමහර තාත්තල  දුවලට ඊර්ශ්‍යයි කප්පම් ඉල්ලනව. තමන්ගෙ චරිතවත් දුවගෙ චරිතෙ නරක නිසා පරිස්සම් වෙන්න කියල ගමේ කොල්ලන්ට කියපු තාත්තෙක්ගෙ දුවෙකුත් මට හමු වෙලා තියෙනව (ඉතාම බිඳුණු ළමයෙක් ලෙස ඇමරිකාවට ආව ඒ දුව, මම ඇතුළු කීප දෙනෙක් රෑ දවල් නොබල ගොඩ දාපු නිසා දැන් හුඟක් හීල් වෙච්ච හොඳ තැනක ඉන්න කෙනෙක්).

ඉතින් මම මේ වෙලාවේ නැවත නැවත මතක් කරන්නේ, ළමයින්ට හොඳ තාත්තල වෙන්න කැමති පිරිමින්ව විවාහයට තෝර ගන්න. මොකද, අර උඩ කියපු  දුවගෙ චරිතෙ නරක නිසා පරිස්සම් වෙන්න කියල ගමේ කොල්ලන්ට කිය කිය ගිය තාත්ත තමන්ගෙ බිරිඳව අඩු වයසින් මරා ගත්තත් තවමත් ජීවත් වෙනව. වෙන වචන වලින් කිව්වොත් ඔබ නරක පිරිමියෙක් බැඳල වද විඳල විඳල අඩු වයසින් මළාට පස්සෙ ඒ පිරිමියා ඔබේ දරැවන්ව තමයි බයිට් එකට ගන්නෙ. ඒක නිසා හොඳට හිතල මතල වැඩ කරන්න.

අම්මල තාත්තලගෙ වැරදි නිසා අනුදිට ලැබුණු මඟපෙන්වීම, ශක්තිය, සම්පත් නොලැබුන දුවලට  අනුදිගෙන් ආදර්ශ ගන්න කියල හෑළි ලියන්න එපා. ඒ ළමයි අද දවසේ දි.වි නහ නොගෙන ජීවත් වන එකම ලොකු දෙයක්.

Normal Human Beings-

Hasani Lelwala  · 

Follow

12h  · 

තව නොබෝ වේලාවකින් ඇය අපේ රට වෙනුවෙන් තරග බිමට පිවිසෙනු ඇත...

රුව, ගුණ සහ නැණ නුවණ සපිරි ඇයගේ ජයග්‍රහණය වෙනුවෙන්, ශ්‍රී ලාංකිකයන් ලෙස අපි හැමෝම ආශිර්වාද එක් කරමු

උතුම් බුද්ධානුභාවයෙන්

ශ්‍රී සද්ධර්මයේ සත්‍යානුභාවයෙන්

මහා රහතන් වහන්සේලාගේ තේජසින්

ඇයට කිරුල හිමි කර ගන්නට සියළු ශක්තිය ධෛර්යය වාසනාව ලැබේවා

මේ උතුම් මව්බිම දිනේවා

ඇයට තෙරුවන් සරණයි

සියළු දෙවි රැකවරණයි

Meanwhile Alpha Male Sri Lanka-

Incel culture and young men

ඔබ ඔවුන් වෙනුවෙන් කරන දේ අගය කිරීමට මිනිසුන් බොහෝ විට අසමත් වන්නේ මන්දැයි ඔබ දන්නවාද..?

 ඔබ යමෙකු වෙනුවෙන් පළමු වරට යමක් කරන විට, ඔවුන්ට කෘතඥතාවක් දැනේ.

දෙවන වරට, එය නැවත සිදුවනු ඇතැයි ඔවුන් අපේක්ෂා කරයි.

තුන්වන වතාවට, එය උපකල්පනයක් බවට පත්වේ. ඔවුන්ට එය ලැබෙනු ඇතැයි ඔවුන් උපකල්පනය කරයි.

හතරවන වතාවට, ඔවුන්ට අයිතියක් ඇති බව හැඟේ. ඔවුන් එය ලැබිය යුතු යැයි විශ්වාස කරන අතර  ඔබ එය දිගටම කරගෙන යාමට අවශ්‍යයි.

පස්වන වතාවට, එය යැපීමක් බවට පත්ව ඇත. ඔවුන්ට එය නොමැතිව කළ නොහැකි බව ඔවුන්ට හැඟේ.

හයවන වතාවට, ඔබට අන්‍යෝන්‍ය සම්බන්ධතාවයක් නොමැති බව ඔබට වැටහේ. ඔබ දෙනවා, නමුත් ආපසු කිසිවක් ලැබෙන්නේ නැහැ. ඉතින් ඔබ දීම නවත්වයි.

ඔබ නැවැත්වූ විට, ඔබ නොදැනුවත්වම නරක් කළ පුද්ගලයා අමනාප වේ. ඔවුන් දැන් ලැබිය යුතු යැයි විශ්වාස කරන දෙය ඔවුන්ට අහිමි වන බවක් දැනේ. එම අමනාපය වෛරයක් බවට පවා පත්විය හැකිය.

ඒ නිසා අපි දෙන විට සීමාවන් නියම කළ යුතුයි.

සෝමදේවගේ කතන්දර ගංගා සාගරය - වේතාලපන්චවිම්සති නොහොත් වේතාල කතා විසි පහ

 එකොළොස්වන සියවසෙහි කාශ්මීරයේ රජකම් කල අනන්ත නම් රජුගේ රාජසභාවේ කවියා වූ සෝමදේවට, කිසියම් දේශපාලන අර්බුදයකදී අනන්ත රජුගේ භාර්‍යාව වූ සූර්යමතී රැජින සන්සුන් කිරීම සඳහා කථා මාලාවක් රචනා කිරීමට අණ ලැබුණු පසු, ඔහු විසින් ඊටත් පෙර යුගයක බෞද්ධ මූලාශ්‍ර භාවිත කර ගුණාධ්‍ය විසින් සංස්කෘත භාෂාවෙන් රචිත, දැන් නැතිවී ගොස් ඇති, “බෘහත්-කතා” (Bṛhatkathā) ඊට පාදක කොට ගත්තේය. සෝමදේවගේ එම කෘතිය වන "කතන්දර ගංගා සාගරය (Kathā-saritsāgara)”, මධ්‍යකාලීන යුරෝපීය සුරංගනා කතා වලට ප්‍රබල සමානකමක් දරයි. මැජික්, යක්ෂයන්, පිසාචයන්, ආදරය, සහ ඉහළ ත්‍රාසජනක “තරංග” ලෙස හැඳින්වෙන කොටස් 124ක් සහිත මේ කෘතිය සෝමදේව විසින් ලියා ඇත්තේ 1077දී අවසන් වූ අනන්ත නම් රජුගේ පාලනයේ කාල පරිච්ඡේද දෙක තුළය.

සෝමදේවගේ කතන්දර ගංගා සාගරය නම් කෘතියේ වේතාලයන් නමින් හඳුන්වන ලද පිසාචයන් වැනි අමනුශ්‍යයන් ගේ ක්‍රියා අන්තර්ගත කතා ගණනාවක් අඩංගු වේ. අප විසින් පරිහරණය කරන ලද කතන්දර ගංගා සාගරයේ ඉන්ගිරිසි මුල් පරිවර්තනය සී එච් ටවුනිගේ වන අතර එය නැවත සංශෝධනය කර එන් එම් පෙන්සර් විසින් 1926දී පළ කරන ලද්දකි. එහි ත්‍රිවික්‍රමසේන රජු සහ වාමාචාරියා (තාන්ත්‍රික මන්තර ගුරුකම් කරන්නෙකු) කතාවෙන් ඇරඹෙන්නේ වේතාලපන්චවිම්සති නොහොත් වේතාල කතා විසි පහකි. වේතාලපන්චවිම්සති පදනම් වී ඇත්තේ තාන්ත්‍රික මන්තර ගුරුකම් කරන්නෙකුට කිසියම් උපකාරයක් පිණිස ත්‍රිවික්‍රමසේන රජු ඉදිරිපත් වී ඒ සඳහා ගසක රැඳුනු මළ සිරුරක් ගෙන එන ලෙස මන්ත්‍රකරැ විසින් ඉල්ලා සිටි අවස්ථාවේදී ඔහු එම මළ සිරුර වේතාලයෙකු විසින් අත් පත් කරගෙන සිටින බව සොයා ගැනීමත්, මළ සිරුර සුරක්ෂිතව රැගෙන යෑමට රජු විසින් දරන ලද උත්සාහයන් ගණනකදී එම වේතාලයා විසින් කතා විසිපහ පවසනු ලැබීමත් පදනම් කරගෙනය. ත්‍රිවික්‍රමසේන රජු වේතාලයා අල්ලා ගැනීමට උත්සාහ කරන සෑම අවස්ථාවකම වේතාලයා ප්‍රහේලිකාවකින් අවසන් වන කතාවක් කියයි. ත්‍රිවික්‍රමසේන රජුට ප්‍රහේලිකාවට නිවැරදිව පිළිතුරු දිය නොහැකි නම්, තමන්ව මන්ත්‍රකරැ වෙත රැගෙනයාමට රජුට ඉඩ දීමට වේතාලයා එකඟ වේ. රජතුමා ප්‍රහේලිකාවට නිවැරදි පිළිතුර දැන දැන නිහඬව සිටින්නේ නම්, ඔහුගේ හිස කෑලි දහසකට කැඩී යයි. රජු ප්‍රහේලිකාවට නිවැරදිව පිළිතුරු දුන්නොත් වේතාලයා පැන ගොස් ඔහුගේ ගස වෙත ආපසු යනු ඇත. සෑම ප්‍රශ්නයකටම පිළිතුර රජතුමා දනී. එබැවින් වේතාලයා අල්ලා මුදා හැරීමේ චක්‍රය විසි හතර වතාවක් අඛණ්ඩව සිදු වේ. නමුත් විසිපස්වන උත්සාහයේදී ත්‍රිවික්‍රමසේන රජුට ප්‍රහේලිකාවට නිවැරදිව පිළිතුරු දිය නොහැකි වේ. එම කතා ප්‍රහෙලිකාව සැකෙවින් මෙසේය. එක්තරා විනාශකාරී යුද්ධයකින් පසු පියෙකු සහ පුතෙකුට එම රටේ බිසව සහ කුමරිය තවමත් ජීවතුන් අතර සිටින බව සොයා ගැනීමට ලැබේ. පියා සහ පුතා ඔවුන්ව තම නිවසට කැටුුව යාමට තීරණය කරයි. පසුකලෙක පුතා බිසව සමඟ විවාහ වන අතර පියා කුමරිය සමඟ විවාහ වෙයි. කල්යත්ම පුතාට සහ බිසවට පුතෙකුද, පියාට සහ කුමරියට දියණියකද සිටී. අලුත උපන් දරුවන් දෙදෙනා අතර ඇති ඥාති සම්බන්ධය කුමක්දැයි ප්‍රහේලිකාව ලෙස වේතාලයා රජුගෙන් විමසයි. මෙම ප්‍රහෙලිකාව විසඳීමට රජු අසමත් වේ. ඉන් සෑහීමට පත් වන වේතාලයා කළින් රජු සමඟ ඇති කර ගත් එකඟතාවය අනුව තමාව මන්ත්‍රකරැ වෙත ගෙන යාමට ඉඩ දෙයි. ඔවුන් මන්ත්‍රකරැ වෙත යන අතරමග, වේතාලයා ඔහුගේ කතාව රජුට කියයි. වේතාලයාගේ දෙමව්පියන්ට පුතෙකු නොසිටි අතර මන්ත්‍රකරැ ඔවුන්ට නිවුන් පුතුන් දෙදෙනෙකු ලබා ගැනීම සඳහා ආශීර්වාද කළේ නිවුන් පුතුන් දෙදෙනා ඔහු යටතේ අධ්‍යාපනය ලැබිය යුතු බවට පැනවූ කොන්දේසියක් මතය. මන්ත්‍රකරැ වේතාලයාට ලෝකයේ පවතින සෑම දෙයක්ම ඉගැන්වූ නමුත් බොහෝ විට ඔහුගේ සහෝදරයාට සළකනවාට වඩා අඩුවෙන් අයහපත් ලෙස සලකනු ලැබීය. මන්ත්‍රකරැ ඔහුගේ සහෝදරයාට අවශ්‍ය දේ පමණක් ඉගැන්වූ නමුත් සෑම විටම හොඳින් සලකනු ලැබීය. මන්ත්‍රකරැ තම සොහොයුරා තම දෙමාපියන් වෙත ආපසු ලබා දීමට සැලසුම් කර ඇති බවත්, වේතාලයා 'සියල්ල දන්නා කුමාරයෙකු' බැවින් ඔහුව බිලි දෙන බවත්, ඔහුව බිලි දීමෙන් මන්ත්‍රකරැට අමරණීය විය හැකි බවත්, ඔහුගේ මන්ත්‍ර බලය භාවිතා කර ලොවම පාලනය කළ හැකි බවත් වේතාලයා සොයා ගත්තේය. දැන් මන්ත්‍රකරැගේ සැලැස්ම ත්‍රිවික්‍රමසේන රජු බිලි දීම බවත්, එය කිරීමට සැළසුම් කර ඇත්තේ රජු ඔහු (දේවතාවියට) නමස්කාර කරන අවස්ථාවේ මන්ත්‍රකරැ විසින් ඔහුගේ හිස ගසා දැමීම මගින් බවත් වේතාලයා හෙළි කරයි. එවිට මන්ත්‍රකරැට වේතාලයා පාලනය කර ගෙන ඔහුගේ ආත්මය බිලි පූජා කළ හැකි අතර එමඟින් ඔහුගේ නපුරු අභිලාෂය සාක්ෂාත් කරගත හැකිය. එබැවින් වේතාලයා යෝජනා කරන්නේ රජු (දේවතාවියට) නමස්කාරය කල යුතු ආකාරය සිදු කර පෙන්වන ලෙස මන්ත්‍රකරැගෙන් ඉල්ලා සිටිය යුතු බවත්, එම අවස්ථාවෙන් ප්‍රයෝජන ගෙන මන්ත්‍රකරැගේ හිස ගසා දමන ලෙසත්ය. ත්‍රිවික්‍රමසේන රජු වෙතාලයා පැවසූ පරිදිම කටයුතු කරන අතර ඔහුට ඉන්ද්‍රගේ සහ කාලිගේ ආශිර්වාදය ලැබේ. වේතාලයා රජුට වරයක් ලබා දෙන අතර, රජු ඉල්ලා සිටින්නේ මන්ත්‍රකරැගේ හදවත සහ මනස සියලු පව් වලින් පිරිසිදු කර ඔහුගේ ජීවිතය යහපත් ලෙස යථා තත්ත්වයට පත් කරන ලෙසත්, අවශ්‍ය වූ විට ඔහු රජුගේ උපකාරයට පැමිණෙන ලෙසත්ය.

ටොක්සික් පුරැෂමූළික සමාජයේ ගෑණුන්ට යම් ගෞරවයක් ලැබෙන්නේ දරැවා බේරගෙන බසයට යට වූවොත් වැනි එක්ස්ට්‍රීම් කේස් වලදී පමණි

 

කැලේ මාරැ උනාට හිටිහාමිලාගේ පුල්ලි මාරැ නොවේ

 තෙලෙන් බැද්දත් කොබෙයියා කිරෙන් බැද්දත් කොබෙයියා යන පිරැළ මෙන්ම සිංහලෙන් වියළි කළාපේ ඕප හොයන එකාත්, ඉංග්‍රීසියෙන් පොෂ් ආකාරයට  ඕප හොයන එකාත් පජාත එවුන්මය. විශේෂයෙන්ම සමාජ මාධ්‍ය ඔස්සේ ෆේක් අයිඩෙන්ටිටි සහිතව, පිළිගතහැකි සාක්‍ෂි රහිතව, තමන්ගේ පැත්තෙන් පමණක් ඒකපාර්ශවිකව කියන කතා වලට අවධානය දීමට පෙර සෙළිබ්‍රිටි කෙනෙකුගේ පැත්තෙන් මේ ෆෑන්ස්ලා ගේ ගැටළු දිහා මම බැළුවේ පාසලේ හතේ ඉද්දීය. අපේ පන්තියේ එක  කෙල්ලක් එවකට ජනප්‍රිය ක්‍රිකට් ක්‍රීඩකයෙකුට පිස්සු වැටී සිටියාය. සමාජ මාධ්‍ය හෝ අන්තර්ජාල පහසුකම් නොතිබූ එකළ එම ක්‍රීඩකයා ගැන සියළුම පත්තර වල ඇති විස්තර කපා සෑදූ තඩි පොතක්ද තිබූ ඇය ඔහු ගැන සියළුම සොයා ගත හැකි පෞද්ගළික තොරතුරැද සොයා ගත්තාය. ඔහු ප්‍රැක්ටිස් කරන ග්‍රවුඬ් වලද  ඉස්කෝලේ කට් කරගෙන ඇය කරක් ගැසුවාය. එකවරම ඇයගේ මෙම දැඩි ක්‍රෂ් එක නැතිවී ජනප්‍රිය ක්‍රිකට් ක්‍රීඩකයාව නයාට අඳු කොළ මෙන් පේන්නට බැරි වී ගියේය. මෙම මිතුරිය සහ ක්‍රීඩකයා ගැන ඇයට තිබූ  දැඩි ක්‍රෂ් එක මුළු සෙක්‍ෂන් එකම දන්නා නිසා ඇයට ක්‍රීඩකයාව නයාට අඳු කොළ මෙන් පේන්නට බැරි වී යෑම ගැනද සෙක්‍ෂන් එක පුරා කතා බහට ලක් විය. හැමෝම පැවසුවේ ජනප්‍රිය ක්‍රිකට් ක්‍රීඩකයා කිසියම් "නරක දෙයක්" ඇයට කර ඇති බවයි. අන්තිමේ ඇයගෙන්ම මේ ගැන ඇසීමට මට අවස්ථාව පැමිණි අතර සිදු වී ඇත්තේ මෙයයි. ඇය ජනප්‍රිය ක්‍රිකට් ක්‍රීඩකයාගේ දුරකථන අංකය කෙසේ හෝ සොයාගෙන රැයක් දවාලක් නැතිව ඇමතුම් රාශියක් දී ඇත. එක අවස්ථාවක ඔහු එක ඇමතුමකට ආන්සර් කර ඇත. එහිදී ඉතා සැර පරැෂව කතා කර ඇති ඔහු කිසියම් දෙපිට කැපෙන කතාවක් පවසා ඇත (ඇය කියන පරිදි කාන්තාවන් ගේ ඔසප් වීම සම්බන්ධයෙන්). ඉතා සභ්‍ය, සංවර, සංස්කෘතික කුළවමියක් වූ ඇයට එවිට තද වී ෆෝන් එක කට් කර ඔහු සමඟ තරහ වී ඇත.

එවකට හතේ හිටපු මම කල්පනා කලේ යකෝ මේකි අරෑගෙ පස්සෙ ගිය ලැජ්ජ නැති විදිහට කොහොමද උගේ එක වචනයක් එහා මෙහා උන ගමන් සභ්‍ය, සංවර, සංස්කෘතික කුළවමිය චරිතය රඟපාන්න හිතුනේ කියලාය. උගේ ෆෝන් නම්බර් හොයා ගත්තෙත් මේකිමය. මහ රෑ ඌට කෝල් ගත්තෙත් මේකිමය. ඌ යන යන තැන ස්ටෝක් කලෙත් මේකිමය. දැන් වික්ටිමුත් මේකිමය. වෙනත් වචන වළින් කිව්වොත්, තමන්ව අරෑගෙ දෙපතුළ ලඟ ෆුට් බෝලයක් බවට පත් කරන් ඌ  ෆුට් බෝලයට පයින් ගැසූ විට ඌව වහ කදුරැ වේ. මේ සිද්ධිය වෙද්දී මගේ මිතුරියට වයස අවුරැදු දාහතරක් පමණ වන්නට ඇත. ඒ වයස්දී කෙල්ලන් කොල්ලන් මෙලෙස සෙලිබ්‍රිටීස්ලාට වහ වැටීමේ වරදක් නැත. නමුත් වයසට ගොස් වැඩිහිටි සහ පරිණත තත්වයට පත් වූ පසු එවැනි අත්දැකීම් දෙස ආපසු හැරී බැලීමේදී ඇති විය යුත්තේ "මමත් මෙහෙම පිස්සු කෙළපු යුගයක් තිබුණා නේද" යන විනෝදජනක හැඟීම, මම දැන් එදාට වඩා මොනතරම් පරිණතද යන ආඩම්බරය මුසු තෘප්තිය වැනි ධනාත්මක හැඟීම් මිසක "අරෑ ඔහොම හිටියට මට මෙහෙම කලා" වැනි වෛරයක් නොවේ. මන්ද සෙළබ්‍රිටි ක්‍රෂ් සහ ලව් හුටපට වලදී රසිකයාගේ පැත්තෙන් සෙළබ්‍රිටිව පෙළඹවීම යන සාධකය ඉතාම ප්‍රබල බැවින් කරන දේක වගකීම (සෙළබ්‍රිටි නීත්‍යානුකූළ වැරදි වන රේප්, අන්ඩර් ඒජ් සෙස් ආදී දේ නොකරයි නම්) රසිකයාද සමෝසමේ භාර ගත යුතු බැවිනි. වතාවක් මගේ සැමියා සහභාගී වූ ඇමරිකන් මංගල උත්සවයක මනාළිය කිසියම් ලෝකල් සෙළබ්‍රිටි කෙනෙකුගේ එක්ස් වූ අතර මංගල උත්සවයේ පසෙක ඇය එම එක්ස් සමඟ සිටින ඡායාරෑපද ඉතා ආඩම්බරයෙන් ප්‍රදර්ශනය කර තිබුණ බව ඔහු පැවසුවේය. එම මනාළිය ඇගේ තරැණ කාලයේ සෙළබ්‍රිටි ලව් එක ගැන සිහි කරන්නේ චමත්කාරජනක මතකයක් ලෙස මිසක ඌ මාව රැවැට්ටුවා, ටයිම් පාස් කරන්නට මාව යූස් කලා වැනි වෛරයකින් නොවේ. එම මනාලයා ඇගේ තරැණ කාලයේ සෙළබ්‍රිටි ලව් එක ගැන සිහි කරන්නේ චමත්කාරජනක මතකයක් ලෙස මිසක ඌ මේකිව මට කළින් යූස් කලා හෝ පෙට්ටිය කැඩුවා වැනි ලිංගික ඊර්ශ්‍යාවකින් ඔඩු දිවූ මනසකින් නොවේ.

අද මේ සිද්ධිය දෙස බලද්දී මම දකින්නේ ඇයට ඇති වූ සෙලිබ්‍රිටි වෛරයට මූළික හේතුව වූයේ ඔහු ඇයට රොමෑන්ටික් නොවී සැරපරැෂ ලෙස ප්‍රතිචාර දැක්වීම යැයි සිතේ. එවකට වයස විසි ගණනක තරැණයෙකු වූ මෙම ක්‍රීඩකයා ක්‍රීඩාව නිසාම අධ්‍යාපනයද අතරමඟ කඩාකප්පල් කර ගත්, වෙනත් පෞරැෂ වර්ධනයක් ඇති වන වැඩකටයුතු සඳහාද වෙලාවක් නැති එතරම් ලාබාල වියේදීම අසීමිත ධනයක් බලයක් සහ ප්‍රසිද්ධියක් ලැබූ අයෙකි. එවැන්නෙකුගෙන් ඉතා පරිණත ශිෂ්ඨ සම්පන්න හැසිරීමක් බලාපොරොත්තු විය නොහැක. ඔහුට වහවැටී කොතරම් තරැණියන් නොයෙක් ලෙස පස්සෙන් එන්නට ඇත්ද? එවැනි තත්වයක් තුළ සෙළබ්‍රිටි කෙනෙකුට ඇතී පීඩනය ඉතා විශාල බව අප තේරැම් ගත යුතුය. සෙළබ්‍රිටි කෙනෙක් නොවන විශ්වවිද්‍යාලයේ උගන්නන මගේ සැමියාට හුදෙක් විභාග පාස් වීම සඳහාම ඇතැම් කෙල්ලන් දාන මායම් පිළිබඳව ඔහු පවසා ඇත. පපුවේ අයි ලව් යූ වැනි දේ ලියාගෙන ඉස්සරහ පේළියේ ඇඟ නිරාවරනය වන ලෙස වාඩි වී ඇස් අඩවන් කර ගෙන, සෙක්සි ලෙස පපුවේ වස්තරය පහත් කොට පෙන්වන ඇතැම් කෙල්ලන් සිටී. ඒ අනුව සෙළබ්‍රිටිලා පොළඹවා ගැනීමට කෙල්ලන් කොල්ලන් දාන මායම් හිතා ගත හැකිය. සෙළබ්‍රිටි කෙනෙක් නීත්‍යානුකූළ වරදක් කිරීම හෙළා දැකිය යුතු බව සැබෑ නමුත් ෆ්ලර්ට් කිරීම වැනි දේවල් ඉතාම සුළු සංසිද්ධි වන්නේ එබැවිනි. 

රසිකයන් තිරයේ දකින අහිංසක යුවතියට පණ පොවන නිළිය සැබෑ ජීවිතයේදී යකින්නක් විය හැක,රසිකයන් තිරයේ දකින අවංක පෙම්වතාට  පණ පොවන  නළුවා  සැබෑ ජීවිතයේදී අමු වළත්තයෙක් විය හැක. අති දක්‍ෂ ක්‍රීඩකයන් සැබෑ ජීවිතයේදී අමනුස්සයන් විය හැක, අපි අපේ දරැවන්ට ඒ බව කියා දිය යුතුය. 

ලෝකය පිළිබඳ නිවැරදි චිත්‍රය දකින්නේ කුමන මිනිසාද?

 

ලංකාවේ වගේම ලෝකයේ ගොඩක් රටවල අද වන විට ඇති වෙලා තියන මූළිකම ගැටළුවක් තමයි කිසියම් දෙයක සමස්ත චිත්‍රය නොපෙනීම මත ගන්නා පටු තීරණ, විශේෂයෙන්ම දේශපාළනික තීරණ, සමාජ සහ රටවල් ඉතාම නරක තැනකට තල්ලු කිරීම.

ඉහත චිත්‍රය අතිවිශිශ්ඨ නිර්මාණයක් වන්නේ එයින් ඉතා හොඳට මේ බව පෙන්වන නිසා.

මෙතන මුළින්ම ඉන්න සල්ලි කන්දක නැගපු මිනිසාගෙන් නියෝජනය වෙන්නේ ලෝකයේ සුපිරි ධනපතියන්. ඔවුන්ගේ ඇස් මට්ටමට හසු වෙලා තියෙන්නේ බිත්තිය මිසක ජනේලයෙන් එහා ඇති සමස්ත ලෝකය නොවීමෙන් පෙන්නුම් කරන්නෙ ඔවුන් ගේ ජීවිත ගොඩක් වෙලාවට පවතින්නේ යථාර්තවාදී දෘෂ්ඨිකෝණයක නොවන බවයි. උදාහරණයක් ලෙස, බිලියනපතියෙකුට කරන්න ආතල් හොඳ වැඩ මේ ලෝකෙ මොනතරම් තිබුණත් සාමාන්‍යයෙන් ඔවුන් නැඹුරැ වන්නේ ලෝකය තව ටිකක් විනාස කරල හෝ තමන්ගේ ධනය සහ බලය තව ටිකක් වැඩි කර ගන්නට. 

එතකොට දෙවනුවට ඉන්න, පොතපත පරිහරණය මිසක ධනෝපාදනයට උනන්දු නොවන මිනිස්සු දකින්නේ  ජනේලයෙන් එහා ඇති සමස්ත ලෝකයෙන් කුඩා වපසරියක් පමණයි. 

පොතපත පරිහරණය  සහ ධනෝපාදනය සමබරව කරන පුද්ගලයෙක්  සමස්ත ලෝකය දකිනවා.

පොතපත පරිහරණය නොකරන  සහ ධනෝපාදනය නොකරන පුද්ගලයෙක් දකින්නේද බිත්තිය මිසක ජනේලයෙන් එහා ඇති සමස්ත ලෝකය නොවීමෙන් පෙන්නුම් කරන්නෙ ඔවුන් ගේ ජීවිත ගොඩක් වෙලාවට පවතින්නේද යථාර්තවාදී දෘෂ්ඨිකෝණයක නොවන බවයි.

පොතපත කියවීමේ නොහොත් පරිණත උගත්කමේ වැදගත්කම අපේ සමාජයේ නිතර අවධාරණය කරන නිසා මෙතන නැවත කියන්නට යන්නේ නැහැ.

ධනෝත්පාදනය පුද්ගල සංවර්ධනයට වැදගත් වන්නේ ඉහළ මට්ටමේ දැනුම සහ අත්දැකීම් ලබා ගැනීමට ධනය අත්‍යාවශ්‍ය වන නිසා. 

වැඩියෙන්ම සාර්ථක උනේ ඉහළින්ම විභාග පාස් කරපු අයද?

 මේ පාර උසස්පෙළ විභාගයේ ප්‍රතිපල වල සෑහෙන්න සාධනීය ලක්‍ෂණ දැක්කා. එකක් තමයි කොළඹ සුපිරි පාසැල් අභිභවා වෙනත් පාසැල් වල දරැවන් ඉදිරියට ආව එක. දෙවන කාරණේ තමා කෙල්ලො කොල්ලො සමෝසමේ රිසල්ට් දාපු එක. තුන්වෙනියට වෛද්‍ය ශාෆිගෙ දුව හොඳට සමත් උන එක. හතරවෙනියට පොත් ගුල්ලන් නොවන සමබරව වැඩකරන ළමයි හොඳ රිසාල්ට් දැමීමේ කතා ගොඩයි.

මේ හැම ට්‍රෙඬ් එකකම පසුබිමේ සෙමෙන් වුවත් පේරන්ටින් ස්ටයිල් එක වෙනස් වීම, තරැණ පිරිමි ළමයි මොලේ ඇතුව වැඩ කරන්න පෙළඹීම වගේම ඉගනගැනීම සඳහා ඉස්සර වගේ පාසැල හෝ ටියුෂන්ම වෙනුවට තාක්‍ෂණය යොදා ගැනීමට හැකි වීම වගේ දේවල් බලපාන්න ඇති. 

මගේ ජීවිතේ ආපහු හැරිල බැලුවම පේන්නෙ හරි පුදුම දෙයක්. සුපිරි පාසලේ අපේ වසරේ මුළු උසස්පෙල සෙක්‍ෂන් එකෙන්ම අද හැම අතින්ම හරි ගිහින් තියෙන්නෙ ඕ ලෙවල් වලින්ම හැලුන කෙල්ලෙක් කියල දැක්කම ඇත්තමයි ජීවිතේ හරිම පුදුමයි නේද කියල හිතුනා. අපේ සුපිරි පාසලේ ඕ ලෙවල් වලින් හැලෙන්නෙ නැති තරම්. මේ ලමය එවකට මෙලෝ රහක් නැති සෙළිබ්‍රිටියෙක් එක්ක යාළු වෙලා බඳිනකොට යන්තම් වයස දහ අටයි. මට ඒ ගෑණුළමය එක්ක ආශ්‍රය කරන්න ලැබිල නෑ, මොකද කවදාවත් මම හිටපු පන්තියකටවත් මිතුරැ කවයකටවත් ඒ ළමය වැටුනෙ නැහැ.  

දවසක් මාර වැඩක් උනා. මම ලංකාවේ කැම්පස් යන කාලේ පොඩි ගානක් අතට ලැබිල එක සුපිරි සපත්තු වෙළඳසැළකට ගියා. ඒ වෙළඳසැළ පුරා උස රාක්ක වල සපත්තු අහුරල තිබුන නිසා ඒ රාක්ක අතර හිටපු මට වෙළඳසැළ ඉස්සරහ පෙනුනේවත් වෙළඳසැළට ඇතුළුවෙලා ඉස්සරහ සපත්තු තෝරන අයට මාව පෙනුනේවත් නැහැ. දැන් ටිකකින් මට ඇහුණ කපල් එකක් පොඩි ළමයෙක් එක්ක වෙළඳසැළට ඇතුළුවෙනවා නමුත් මට ඒ කවුද කියල පෙනුනේ නැහැ. ඊටත් ටික වෙලාවකින් බබා කෑගහන්න ගත්තා. එතකොට පිරිමියා බබාට හරි ආදරයෙන් කියනව ඇහුණ මෙහෙම "පුතේ අම්මට කරදර කරන්නැතිව සපත්තු තෝරන්න දෙන්නකෝ, එන්න අපි දෙන්න එතකන් සෙල්ලම් කරමු". විශ්වාස කරන්න, මම ටිකකට ගල් ගැසුනා. මොකද මගේ තාත්ත නම් ඒ වගේ වෙලාවක අම්මට කෑගහනව "ඔයාට සපත්තු ලොකු වෙලා ළමයට වඩා, ඔන්න ඔය මොකක්හරි ඉක්මනට ගන්නවා ළමය අඬන්න කලින්' වගේ කතාවක් කියල. මම දන්න, මම එදිනෙදා ගණුදෙනු කරපු සමාජයේ හැමෝම ඒ වගේ. ඉතින් ඒකයි මම පුදුමයෙන් ගල් උනේ. එහෙම පිරිමින්ව මම දැකල තිබ්බෙ නෑ. ඉතින් මට මාර ආසාවක් ආව මේ කපල් එක දකින්න. සපත්තු ඈත් මෑත් කරල බලනකොට අර දහඅටෙන් බැඳපු කෙල්ල දැන් මහත්තයයි පොඩි බබයි එක්ක, වී එයිට් එකකින් ඇවිත් ලස්සන ඩිසයිනර් ඇඳුම් ඇඳගෙන මාර සතුටෙන් සපත්තු තෝරනවා. මම කැම්පස් එකේ ආදරයක් නොලැබී වේළි වේළි, බඩගින්නේ වැරහැළි ඇඳන් අතේ සතේ නැතිව පාඩම් කර කරා විභාග පීඩනෙන් ඉන්නවා. මට මන් ගැන මාර ආත්මඅනුකම්පාවක් ඇති උන අවස්ථාවක් ඒක. කොච්චරද කියනව නම් මම එයාලට කතා කලේ වත් නෑ සපත්තු අතර හැංගිලාම හිටියා. පස්සෙ කාලෙක සුහද හමුවකදී මම ඒ බව ඇයට කිව්වම ඇය හිනාවෙලා මගේ අතින් අල්ලගෙන ක්‍රිෂා ඔයාට ඕනෙම වෙලාවක මම ඉන්නව කියල කිව්වා.

ඉතින් අපේ සෙක්‍ෂන් එකේ පළමුවැනිය ගැන කියන්නත් ඕනෙ. දකුණු පලාතෙන් ශිෂ්‍යත්වෙ පාස් වෙලා ආව ඒ ගෑණු ළමය තරම් දක්‍ෂ ළමයෙක් මම දැකල නෑ. ඉතිහාසෙ වගේ කටපාඩම් විශයකින් ප්‍රශ්නයක් ඇහුවොත් පෙළපොතේ පිටු අංකය සමඟම උත්තරය දෙන තරම් ෆොටෝකොපි මෙමරි එකක් තිබුනා ඒවගේමයි මාරම මීටරයක් ගණන් විද්‍යාව වගේ විශයයන් වලට අතිදක්‍ෂයි. කලාව ගත්තොත් මිහිරි කටහඬක් තිබ්බා ලියපු කවි කතා ආදියට සම්මාන ගත්තා හොස්ටල් හිටපු නිසාද මන්ද බාහිර වැඩ ගණනාවක් කලා. ඉතින් අවසානයේ ඉහළින්ම අදාළ ක්‍ෂේත්‍රයේ දෙස් විදෙස් වල ඉගෙනත් ගත්තා. මේ ළමය පට්ටම උද්දච්චයි. මාර උස් පහත් භේදයකින් වැඩ කලේ ඒ පොඩි වයසෙ ඉඳලම. තමන්ගෙ සහෝදරයින්ට පවා පහත් ලෙස සැළකුවා තමන් තරම් දක්‍ෂ නැති නිසා. අදටත් එයා ආශ්‍රය කරන්නේ එයාට අනුව උභයකුළපාරිශුද්ධ අය පමණයි. මේ ගෑණුළමයා ඇතිකර ගත්ත සම්බන්දෙට ගෙදරින් අකමැති වෙලා ජීවිතේ හොඳම කාලෙ අවුරැදු විස්සකට කිට්ටුව තනිකඩව ඉඳල යන්තම් මැදි වයසේ දොරකඩ කසාද බැඳල ඒ පිටම ළමයෙකුත් හදා ගත්තා. ඒ බබා කිරි බොන වයසෙදි අර දහ අටෙන් බැඳපු ගෑණුළමයගෙ සපත්තු කඩේදි මම දැකපු ලොකු පුතා උපාධිධාරී තරැණ අධ්‍යක්‍ෂකවරයෙකු ලෙස තාත්තගේ විශාල ව්‍යාපාරයට සම්බන්ධ වෙනවා. උසස්පෙළ නොකරපු ඒ දහ අටෙන් බැඳපු ගෑණුළමය ඒ වෙනකොටත් ඒ විශාල ව්‍යාපාරයේ සම අයිතිකාරියයි. එතකොට අපේ සෙක්‍ෂන් ෆස්ට් අනුන්ගේ/රජයේ තැන් වල පඩියට රස්සාව කරනවා. ඉහළ පඩි ගන්න, ගෞරවබහුමාන ලබන, විශේෂඥ වෘත්තිකයෙකු බව ඇත්ත, නමුත් වර්කින් ක්ලාස් එකේ. දහඅටෙන් බැඳපු කෙල්ල රෑලින් ක්ලාස් එකේ.

එහෙමයි කියල ඒ විශාල ව්‍යාපාරයේ සම අයිතිකාරිය තමන්ගෙ ළමයින්ට උගන්නන්නැතුව හිටියේ නෑ, හොඳට ඉගැන්නුවා.

ඔය අල්ල පනල්ලෙ මමත් දෙයියනේ කියල තැනකට ආව. අද අපි තුන්දෙනාම හොඳින්.

මට කියන්න ඕනෙ උනේ ජීවිතේ හරි පුදුමාකාරයි. ඉගෙන ගත්තෙ නැති දහ අටෙන් බැඳපු කෙල්ල හැමෝටම වඩා හැම අතින්ම ඉදිරියට ගියා. ඉතාම ආදරයෙන් සමඟියෙන් ඉන්න ළමයි පස් දෙනෙක්, ශක්තිමත් විවාහයක්, විශාල ව්‍යාපාරයක්, ඇයට ව්‍යාපාරයේ හා ජීවිතයේ සම තැන දෙන සහකරැවෙක්, සමාජයේ කීර්තිනාමය, පිරිස් බලය, ලස්සන ගෙවල් දොරවල් යාන වාහන සහ පිටරට සවාරි, මුදල් යස ඉසුරැ මේ සියල්ලම ඇයට පොඩි කාලයකින් ලැබුනා. 

ඒ නිසා, ලෝක සම්මතයන් වලටම ලෝකයේ දේවල් සිදු නොවන බව අපි තේරැම් ගන්න ඕනෙ.