ලංකා ඉතිහාසයේම වැඩිම ගවයන් ප්‍රමාණයක් නිදහස් කළ පෝය දිනය සහ තවත් අනම් මනම්

 ටික කාලයක් ලියන්න බැරි උනාම වෙන දේ තමයි අදහස් සීයක් විතර බැක්ලොග් වෙන එක. ඒ නිසා හිතට එන එකිනෙකට අසම්බන්ධ දේවල් කීපයක් කෙටියෙන් කියන්න හිතුනා.

පළමුවෙන්ම ලන්කාවේ සාමාන්‍ය මිනිස්සුන්ට හිස නමා ගරැ කරනව දේශපාළනයෙන් හොරැ, පිම්පියො, නළු බට්ටො, ගණිකාවො, තක්කඩි, වන්චනිකයො ආදී අපතයන්ව එළවීම ගැන. පක්‍ෂ පාට ජාති ආගම් අදාළ කර නොගෙන ඒක කරල තියෙනව (ජෙප්පො බලය අරගෙන මොනව කරයිද මම දන්නෑ, හුඟක් වෙලාවට සම්ප්‍රදායික පක්‍ෂ දෙකට වඩා නම් යමක් කරයි වගේ.  හැබැයි මිනිස්සු මිනිස්සුන්ගෙ පැත්තෙන් ගන්න පුළුවන්හරි තීරණය අරන් තියෙනව). ඒ තරම් ප්‍රෝග්‍රෙසිව් තත්වයට කෙටි කාළයකදී  ලන්කාවේ සාමාන්‍ය මිනිස්සු පරිණාමය වීම මට නම් පුදුමයක්. කියමනක් තියෙනව අමාරැ කාලවල් ශක්තිමත් මිනිස්සු බිහි කරනව කියල. සමහරවිට පසුගිය දුෂ්කර සමය ශක්තිමත් මිනිස්සු බිහි කරන්න අඩිතාළම දමන්නට ඇති. 

ඒ හැර පසු ගිය කාලේ මම අධ්‍යයනය කරපු පොඩි දේවල් ටිකක් කෙටියෙන් හරි සඳහන් කරන්නට හිතුනා. කන්දෙ ගෙදර කියන එක්දහස් නමසිය අසූ අටේ විතර විකාශනය වෙච්ච ටෙලි නාට්‍යය ළඟදී නැවත නැරඹූ පසු මට ඒ ගැන අළුතෙන්  හිතන්නට බොහෝ දේ ලැබුනා. 

කුඩා කාළයේ කන්දෙ ගෙදර බලනකොට දැනුනු හැඟීමත් පරිණත මම අද කන්දෙ ගෙදර බලනකොට දැනුනු හැඟීමත් ගොඩක් වෙනස්. උදාහරණයකට, එදා දළ වශයෙන් මේ ගෙදර ප්‍රධානිය වෙච්ච බාල මහත්තයා වීරයෙක් ලෙසත් එයාගෙ නෝන ආතල් ලෝකයක් ලෙසත් ලොකු පුතා සෙනරත් පොරක් ලෙසත් එයාගෙ නෝන මයුරා දුෂ්ටයා ලෙසත් පෙනුනට අද මට පේන්නේ බාල මහත්තයා ආත්මාර්ථකාමී සම්ප්‍රදායික මනුස්සයෙක් ලෙසත් එයාගෙ නෝන ටොක්සික් ලෙසත් ලොකු පුතා සෙනරත් උද්දච්ච සහ තමන්ගෙ පවුලේ වටිනාකම් තමන්ගෙ ළමයින්ට ට්‍රාන්ස්ෆර් නොකල අමනයෙකු  ලෙසත් එයාගෙ නෝන මයුරා කට සැර නමුත් සාධාරණ කෙනෙකු ලෙසත්. 

කෝසල එදිරිසිංහ විසින් ලියපු ජීවිතේ කෝටා එක සහ ග්‍රේස් පීරියඩ් එක කියන ලිපිය මම පහතින් පළ කරනවා. ඒක අපූරැ ලිපියක්. 

මේක මේ ජීව විද්‍යාත්මක කතාවක් නෙමේ, විද්‍යාත්මක සංසිද්දියකුත් නෙමේ

ඔය අපේ මනුස්ස ජීවිතේට යම් කෝටා එකක් සහ ග්‍රේස් පීරියඩ් එකක් තියෙනවා කියල හිතෙනව..

දැන් බලන්න අරක්කු කෝටා එක. ඔය කෝටා එක ටික ටික අහවර කරන උන් ජීවිත කාලෙම ලස්සනට බීලා කරලා වයසට ගිහින් මැරිල යනව. එක දිගට ඩේලි ගහන උන් කෝටා ඉවර උනාම සිරෝසිස් හැදිල මැරෙනව. දැන් ඕකෙ ග්‍රේස් පීරියඩ් එක තමා ටිකක් කල් ඩේලි ගසන එකෙක් මම දැන් හැදෙනවා කියලා ඕක වයස තිහට තිස්පහට කලින්වත් නවත්තගත්තොත් අවම හානියක් යටතේ රිකවර් වෙලා ඉතුරු ජීවිත කාලෙ ඇදන් යන්න චාන්ස් එකක් දෙනවා. අන්න ග්‍රේස් පීරියඩ් එක

සිගරට් උනත් එමසේ.

කොලෙස්ටරෝල් උනත් කෝටා එක බෙදල කරල කන එකා ජීවිත කාලෙම ශේප් කාලා බීලා ඉන්නව. කෝටා එක කලොන්ම  ඉවර කරන එකා කෙලෝගන්නව.. ග්‍රේස් පීරියඩ් එකෙන් වැඩේ තේරුම් අරන් කෑම බීම ව්‍යායාම කරන එකා අව්ලක් නැතුව ඉතුරු ටික අදිනවා

දැන් ඔය භෞතිකයනේ,

අපේ හිත ගත්තොත් ස්භාවදර්මය අපිව ජජ් කරන්න කලින් අපිටත් මේ මිනිස්සු හැටියට පව් කරන්න පිං කරන්න ආදරේ කරන්න වෛර කරන්න ඊරිසියා කරන්න කුහකකම් කරන්න පොඩි කෝටා එකක් සහ ග්‍රේස් පීරියඩ් එකක් දෙනවා. දැන් ඔය අපි ට්‍රැක් එකට වටෙන්න යන වයස 25-30 රේන්ජ් එකේ අපිට විවිද අවස්තාවන් සහ සම්පූර්න වෙනස් සමාජ කොට්ටාශ වලට අපිව නිරාවරනය කරමින් අපිට හැදෙන්න අවස්තා සෑහෙන්න දෙනවා. හැබැයි 30න් පස්සෙ වගේ අපි ඇතිකරගන්න සමාජ ස්තාවර බව එක්ක මිනිස්සු මාරු කරන්න සමජෙ මාරු කරන්න කලින් වගේ බැරිවෙනවා. ඒ කියන්නෙ ග්‍රේස් පීරියඩ් එක ඉවරවෙනවා. ඒ අතර පුතේ කෝටා එකත් ඉවර කලොත් අන්න ස්භාවදර්මය/ කර්මය හෝ දෙවියන් වහන්සේ උබව ජජ් කරන ගන්නවා

විස්වාස කරනවනම් විස්වාස කරපන්...

35න් පස්සෙ ගෑනු මිනිස්සු ඉන්නේ 95%ක්ම උන් "ඩිසර්ව් කරන ලෝකේ".. උන්ට වෙලා තියෙන්නෙ "විය යුතුදේ". උන්ගේ මානසිකත්වය, උන්ගේ ඇටිටියුඩ්, උන්ගේ අදහස්, උන්ගේ ඊරිසියාව කුහකම තියෙන ලෙවල් එක අනුව උන්වම දවා අලුකරල දානවා. හරියට දවස ගානේ මත්ද්‍රව්‍ය භාවිතා කරපු හෝ දවස ගානෙම අහිතකර කෑම කාපුම එකාගෙ භෞතික ශරීරය 35න් පස්සේ උගේ කල්කිරියාවට වන්දි ගෙවනවා වගේ මානසික තත්වය සහ උන්ට ස්භාවය ලබාදෙන "ලක් එක" තීරනය කරනවා ඒ වෙනකන් උන් ඔලුවට දාගත්ත කුනු කන්ද, අනුන්ට දක්වපු ඊරිසියාව කුහකකම. ස්භාව දර්මය ජ්ජ් කරනවා. ඒ වගේම ස්භාවදර්මයේ තීරමය බොහෝවෙලාවට හරි. 

වයස විසි ගනන් වල හම්බ කරන්න විතරක් නෙමේ, උබට දැනෙන මට්ටමෙන් "හොද මිනිහෙක්" වෙන්න බලපන්. "අනුන්ට" නෙමේ "තමන්ට". "හොද" කියන්නෙත් අනුන්ට සබ්බ සකලමනාවම ණයට දෙන එකයි, අනුන් බලාපොරොත්තු වෙන ලෙවල් එකටම නැමෙන්න යන එකයි, සේරටම එහෙයි කියන එකයිත් නෙමේ ඈ. එහෙම උනොත් 35න් පස්සෙ ඉදගන්න අමාරු වෙනවා

හැකිතාක් ඊරිසියාව සහ විශේශෙන්ම කුහකකම අඩු කරගන්න. ඒකෙන් තමන්වම දවා අලුකරනවා. පොලිය එක්ක බඩු පත්තු වෙන්නෙ 35න් වගේ පස්සෙ... දෙන දේ දුන් දේ කල දේ 30 පස්සෙ තමා පොලිය ගනනය කරලා හම්බ වෙන්න පටන් ගන්නෙ.

ආයෙ කියනවා 30-35න් පස්සේ මිනිස්සුන්ට වෙන්නේ උන්ට "විය යුතු දේ". ග්‍රේස් පීරියඩ් එකේ කල වගාවේ අස්වැන්න. අබ වවපු උන්ට අබ.. තල වවපු උන්ට තල

මම මේ කිව්ව දේ වැරදී කියල හිතෙනවනම් "සමාජීයව" සහ "සමාජීය කාරනා මත" කෙලවෙලා අලවෙලා ඉන්න එකෙක්ට උදව් කරලා පස්සෙ තරහ කරන් බලපන්..

අර උඩ කිව්ව 95% අස්සේ මේ සේරම නැතත් බුද්දපූජාවක් තියන්න ගියත් කුනකටුවෙක් කන ජාතියේ ඩෑල් 5% විතර ඉන්නව. උන්ට වෙලා තියෙන එකනම් මට තේරෙන්නෑ..

කොල්ලනේ කෙල්ලනේ 20-30 වයස කියන්නෙ සෙල්ලමක් නෙමේ. ඕක අනාගන්නනම් එපා. මැරෙනකන් අඩන්නයි කඹුරන්නයි තියෙන්නෙ ඊට පස්සේ

(හැම වචනෙකටම තේරුමක් තියේ. නොතේරෙන උන්ට " " දාලම කියල තියේ. මොකෙක් හරි ගේම ඉල්ලන්න කලින් කිව්වෙ)