Wing Commander නිර්මාල් සියඹලාපිටිය මහතාගේ අභාවය

ආපදාවට ලක්වූවන්ට සහන සලසමින් සිටියදී අනතුරට පත් හෙලිකොප්ටර් යානයේ නියමුවා වූ ශ්‍රී ලංකා ගුවන් හමුදාවේ විංග් කමාන්ඩර් නිර්මාල් සියඹලාපිටිය මහතාගේ අභාවය ඉතාම ඛේදජනක පුවතක්. යන්තම් අවුරැදු 41ක තරැණවියේ හිටපු, ඒ කෙටි කාලෙදි සෑහෙන්න දෙයක් කරපු හිතහොඳ මනුස්සයෙක්, කුඩා දරුවෙක්ගේ පියෙක්.

මේ හෙලිකොප්ටර් යානයේ අනතුර සිදුවූ ආකාරය ගැන කතාබහක් තියෙනවා. ඔහු පදවාගෙන ගිය හෙලිකොප්ටර් යානය හදිසි කාර්මික දෝෂයකට ලක්ව ඇති අතර එය ගොඩබිමට ගොඩබැස්වීමට නොහැකි වූයේ ෆෝන් වලින් ආපදාව වීඩියෝගත කරන අය ඉවත් නොවූ නිසාය, ඒනිසා යානය ගිං ඔය දෙසට හරවා ජලයට කඩා වැටීමට සැලැස්වූ බවද එක මතයක්. එය එසේ නොවන බවත් යානය ජලයට ගොඩබැස්වීමට මුල පටන් සැළසුම් කල බවත් තව මතයක්. මම මෙවැනි කාරණා පිළිබඳ විශේෂඥයෙක් නොවේ. එබැවින් ඇත්තටම උනේ මේ දෙකෙන් මොකක්ද කියා හරියටම කියන්න මම දන්නෙ නැහැ. කෙසේවෙතත් බාහිර තුවාල රහිතව සුශුම්නාවට හානි වී ඔහු සිහිසුන්ව සිටි බවත්, ජලයේ තිබූ යානයෙන් ඔහුව ඉවතට ගන්න අහළපහල අය ලෑලි ආධාරයෙන් වතුරට බැස සහ තවත් පිරිසක් තාප්පයක් මත සිට කඹ විසි කරමින් ගුවන් හමුදා භටයින්ට සහාය වී තිබූ බවත් කියනවා. 

 
සුශුම්නාවට හානි වී ඇති අයෙක් හැඬ්ල් කරන එක ඉතාම ප්‍රවේශමෙන් කරන්න අවශ්‍ය දෙයක්. කිසිම අවස්ථාවක සුදුසුකම්ලාභී අය හැර කිසිවෙක් රෝගියාව චලනය නොකල යුතුයි. නමුත් ජලයේ තිබූ යානයෙන් ඔහුව ඉවතට අරගෙන තියෙන ආකාරය අනුව එසේ කරල නැති බව පැහැදිලියි. තිබුන තත්වය අනුව එසේ කරන්නටත් අමාරැයි. මොනතරම් සුදුසුකම්ලාභී  කණ්ඩායමකට උනත් යානයේ හිරවී සිටි නියමුවාව ඔළුව, ගෙළ, සහ කොන්ද එක කෙළින් තිබෙන පරිදි ප්‍රවේශමට යානයෙන් ඉවතට අරගන්න පුළුවන්ද කියන එක අභියෝගයක්.

මේ නිසායි ගොඩබිමට යානය ගොඩබැස්සවීම අතිශයින්ම වැදගත් වන්නට තිබුනේ. 
මම උපකල්පනය කලොත් ඔහු ගොඩබිමට යානය ගොඩබැස්සවීමෙන් වැළකුනේ ෆෝන් වලින් ආපදාව වීඩියෝගත කරන අය ඉවත් නොවූ නිසාය කියල, එතැන තීරණයක් ගන්න ඔහු පමා උන මිළි තත්පරයක් ගනනේ පවා අනතුරේ ස්වභාවය වෙනස් වන්නට තිබ්බා. මේ ලින්ක් එකේ එම මොහොත තියෙනවා. ඔහු යානය සෑහෙන වේලාවක් උඩුගුවනේ රඳවාගෙන එක මොහොතක අතෙන් සංඥා කරනවා. ඒඅනුව මට හිතෙන්නේ ඔහු මුළදි හිතුවේ ගොඩබිමට යානය බස්සවන්න කියල.

 https://www.facebook.com/teffy.nimaa/videos/1350553210183417
ඒඅනුව මම උපකල්පනය කලොත් ඔහු ගොඩබිමට යානය ගොඩබැස්සවීමෙන් වැළකුනේ ෆෝන් වලින් ආපදාව වීඩියෝගත කරන අය ඉවත් නොවූ නිසා එයාලව අනතුරට පත්වීම වළකන්නටය කියල, ඔහු වැනි හයි වයිබ්, යහපත් මිනිස්සු වෙනුවෙන් මට මෙන්න මේ කාරණය කියන්න ඕනෙ.

හයි වයිබ්, යහපත් මිනිස්සු කරන්න පුළුවන් ලොකුම වැරැද්දක් තමයි අනිත් හැමෝටම සාධාරණය ඉටු කරන්න ගොස් තමන්ට බලවත් අසාධාරණකම් කරගැනීම. කිසියම් අවස්ථාවක තීරණයක් ගැනීමේදී හදවතට වඩා බුද්ධිය පාවිච්චි කිරීමට ඒ අවස්ථාවේ හිතෙන්  කොස්ට් බෙනිෆිට් ඇනලයිසිස් එකක් කරන්න.  

මට හිතෙන්නේ ඔහු එවෙලේ ගොඩබිමට යානය බැස්සුව නම් එතන ෆෝන් වලින් ආපදාව වීඩියෝගත කරන අය කීපදෙනෙක් මියයාවි, තුවාල වේවි. එවිට ඔහුට නඩු වැටී වසර ගණනක් නඩු කියන්නට වේවි. විසාල සමාජ අපවාදයක් එල්ල වේවි. රස්සාවට බලපායි. ඊටත් අපේ ඔළු වලට දාල තියෙන්නෙ අපිට කෙළවගෙන හරි අනිකාව බේරන්න කියල. මම හිතන්නෙ මෙන්න මේ ගැටළුව සමාජයේ ඉතාම ලොකු අවුලක්. හිතාමතා හෝ නොසිතා කිසිවෙකු ජීවිත තර්ජනයක් ඇතිකලාම ඉතාම සාධාරණ ලෙස කටයුතු කරල බැරිතැන අවසන් මොහොතේ තම ජීවිතය රැකගැනීමට ආත්මාරක්ශක මනුශ්‍ය ඝාතන/පහරදීම් කලොත් අපරාධකාරයො වගේ පොළිසි වල, උසාවි වල රස්තියාදු නොකර කඩිනමින් විසඳන ක්‍රමවේදයක් සහ ආත්මාරක්ශක මනුශ්‍ය ඝාතන/පහරදීම් වලට ඇති ස්ටිග්මා එක නැතිකල යුතුයි.

2021දි තලිබාන්ල දිනල ඇතිවූ කලබළයේදී කාබුල්හි ඇමරිකන් යුධ ගුවන්‍යානයක ඇෆ්ගන් මිනිස්සු එල්ලිලා ඉන්නැද්දී පයිලට් ඒක ගුවන්ගත කරපු වෙලාවේ ඒ මිනිස්සු අහසින් පොළවට වැටිල මියගිය ආකාරය මතක් උනා. මාරම දුකයි තමයි නමුත් එවෙලෙ පයිලට්ට තීරණයක් ගන්න සිද්ද වෙනවා ඒ ජීවිතද ඇතුලේ ජීවිතද බේරන්නෙ කියල.
ආත්මාරක්ශක පහරදීම් ගැන කිව්වොත් ගොසිප් ලංකා වල ගිය වසරේ මාර සිද්ධියක් වාර්තා උනා. එක මිනිහෙක් බීල සූර්වෙලා තනියම ගෙදර යාගන්න බැරිව, උගෙ යාළුව මිනිහව ගෙදරට ඇරලවල. මෙළෝ සිහියක් නැති මිනිහට නින්ද ගිහාම යාළුව කියන එකා කුස්සියෙ උය උයා හිටපු උගෙ ගෑනිට අතවර කරන්න හදල. ගෑනි ආත්මාරක්ශාවට අතට අහූන පිහියෙන් අරෑට ගහල. ඌ ලේ පෙරාගෙන කෑගහද්දි අහළ පහළ උන් වටවෙලා, පොලිසිය ඇවිත් ගෑණිව අතඩංගුවට අරන්. අන්තිමේ මිනිහයි යාළුවයි එළියේ (තාම ෆිට් ඇති) අර කුස්සියෙ උය උයා හිටපු අසරණ ගෑනි ඇතුලෙ.

මම හිතන්නේ ෆෝන් වලින් ආපදාව වීඩියෝගත කරපු අය මෙවැනි අවස්තාවක තිබියයුතු අවම සදාචාරය පවත්වාගෙන නැහැ. මේ සමාජ මාධ්‍ය යුගයේ පාසැල්වල හෝ උගන්නන්න ඕනෑ සමාජ සදාචාරය, ආපදාවකදී/ආපදා මාධ්‍යකරණයේදී හැසිරෙන හැටි, යම් ෆොටෝ/වීඩීයෝ/ලිපි/පුවත් ආදිය කෘතිම බුද්ධියෙන් හදපුවද ඇත්ත ඒවද කියල දැනගන්නෙ කොහොමද, සමාජ මාධ්‍ය ප්‍රොපගැන්ඩා හඳුනාගන්නේ කොහොමද, නිවුස් වල විශ්වාසනීයතාවය සෙවීමේ වැදගත්කම වගේ කාරණා.ඊට සමගාමීව ඉතාම දැඩි නීති සහ ඉක්මන් නඩු තීන්දු අවශ්‍යයි.

අවසාන වශයෙන් කියන්න තියෙන්නෙ, මෙතුමට කරන්න පුළුවන් ඉහලම ගෞරවය තමා මෙතුමගේ වැන්දඹු බිරිඳට අයුතු යෝජනා කිරීම, ලිංගික අල්ලස් ඉල්ලීම, බස්වල ජැක් ගැසීම, මහමඟ අතවර කිරීම ආදියෙන් වැළකෙන එක. දැන් මේවගේම රටට සේවය කරපු සහෝදරයන්ගේ වැන්දඹු බිරියන් සහ ළමයි ඉන්නව. මේ සහෝදරීගෙ මූණ අද මතක හිටියට තව වසරකින් මතක නෑනේ. උදාහරණෙකට, ලලිත් ජයසිංහ සහෝදරයගේ වැන්දඹු බිරිය දැක්කොත් අඳුනන්න පුළුවන්ද? එදා ලලිත් ජයසිංහ සහෝදරයගේ දුව ළදැරියක්, අද ඇය තරැණියක්, ඇය බසයක යද්දි ඕනතරම් ජැක් ගහනව ඇති, මහමඟ යද්දි ඕනතරම් අතවරත්   වෙනව ඇති. වෙනත් රටට සේවය කරපු සහෝදරයන්ගේ වැන්දඹු බිරියන් සහ ළමයි මොනතරම් ඉන්නවද? ඒනිසා තෝර තෝර ගෑණුන්ට හින්සා කරන්න බෑනේ, නරකද ගෑණුන්ට හින්සා කරන එක නැවැත්තුවොත්? මම ඉල්ලන්නේ හිමාළය නගින්න හෝ මරියානා ආගාධයේ කිමිදෙන්න වගේ අමාරැ ඉළ්ලීමක් නොවේ, ඉතා කුඩා ඉළ්ලීමක්.