පුරැෂමූළික සමාජ වල පිරිමි තමා ගැහැනු ශරීර පිළිබඳ තීරණ ගන්නෙ. මේක කාලයක් තිස්සෙ වෙලා වෙලා බොහොම සාමාන්‍යකරණය වෙලා, රොමැන්ටික් හෝ වෙනත් මුහුණුවරකින් වහල අයිසිං කරල ගෑණුන්ට දෙන ළණුවක් නිසා දැනුම් තේරැම් අඩු ලද බොළඳ ගෑණු ළණුව කනව විතරක් නෙමේ අනිත් ගෑණුන්ටත් ගිල්ලවන්න මාර සටනක් දෙන්නේ.
සාමාන්‍යයෙන් පිරිමි ප්‍රිය කරන ආකාරයට පටහැනි ගෑණු ස්ටයිල් වන කොණ්ඩෙ කොටට කැපීම සහ පච්ච කෙටීම වගේ දේවල් කරන ගෑණුන්ට යම් සමාජ විරෝධයක් එන්නේ ඒ ගෑණු තමන්ගේ ශරීරයේ බාහිර පෙනුම ගැන තමන්ම තීරණ ගැනීම පිරිමින් නොරිස්සන නිසා.
එතකොට, ගෑණු තම ශරීරයේ අභ්‍යන්තර පැවැත්ම ගැන තමන්ම තීරණ ගැනීම්, සෙස්, ළමයි ලැබීම වගේ ඒවා, තදින්ම පාලනය වෙන බව අමුතුවෙන් කියන්න ඕන නැහැ.
ගෑණු දැනගන්න ඕනේ මේ අසාධාරණයෙන් ගැළවෙන්න. ඒකට ඉගෙන ගෙන, පොතපත කියවල, බුද්ධිය සහ තමන්ගේ වටිනාකම ඉහළ නංවාගන්න ඕනේ.
No comments:
Post a Comment