කලකට පෙර සමාජ මාධ්‍ය වල පල වූ ඉහත ඡායාරෑපය සමාජ මාධ්‍ය වල ජෙන්ඩර් වෝ එකක් හදපු ඡායාරෑපයක්. පට්ට පුරැෂාධිපත්‍යයක් තියෙන පිරිමි මේ කෙල්ලට නොයෙක් ලෙස දොස් පවරල තිබ්බා - "ගෑනු රස්සාවට ගියා කියල වැඩක් නැත ගෙදර බර මිනිහට අදින්න දීල පඩිය මේවට වියදම් කරනව" වගේ , පට්ට ඕපන් මයින්ඩඩ් ගෑනු "සපත්තු එකතු කරන්න ආස නම් ඒ ආසාව ඉටු කරගෙන ජීවිතේ විඳින්න ඕනෙ" වගේ මේ කෙල්ලට නොයෙක් ලෙස හොඳ කියල තිබ්බා. මට හොඳට මතකයි සුජාතා මැණිකේ ඉහළගෙදර දිග ලිපියක් ලියල තිබ්බ, ඒකට ඇල්ෆ මෝල්ලුන්ට යකා නැගල තිබ්බ. හරිම ආතල්.
ඒ අදහස් දෙකම මේ ප්‍රශ්නෙ හරිම ගොන් තැනකින් අල්ලගෙන තිබ්බෙ කියල මම හිතන්නෙ. මොකද මෙතන පේන අධිපරිභෝජනවාදී ප්‍රදර්ශනාත්මක ටොක්සික් ජීවන රටාවට ගෑනු පිරිමි බේදයක් නැහැ. වරදවා වටහා ගන්න එපා. කෙල්ලෙක් සපත්තු කුට්ටම් කැමති ගණනක් අරගන්නවට මගෙ කිසි විරැද්දත්වයක් නෑ තමන්ගෙ ආදායම අනුව දරන්න පුළුවන්නම් සහ තමන්ගෙ සාධාරණ අවශ්‍යතාවයන් අනුව - සීසන් එකට, ඔකේෂන් එකට අනුව හොඳට ඇඳල පැළඳල ඉන්න හිතෙන එක සාධාරණයි. නමුත් බඩට හරි කෑමක් නැතුව, හදිසියකදි ගන්න ඉතිරි කරපු මුදලක් නැතුව, තමන් අද ඉන්න තැනින් ඉස්සරහට යන්න පුළුවන් ස්කිල් එකකට වියදම් නොකර, පවුලට හෝ සමාජයට විය යුතු යුතුකම් වලට සත පහක් නොදී ලොකු සපත්තු රැක් එකක් මේන්ටේන් කරනව නම් අධිපරිභෝජනය සහ ප්‍රදර්ශනාත්මක භාවය ගැන අවුලක් එතන තියෙනව.
මම මේ කෙල්ල කවුද කියල දන්නෙ නෑ, නමුත් මේ ෆොටෝ එක දැකපු ගමන් මේ කෙල්ල බඩට කන්න නැතත් සපත්තු ගන්න ජාතියෙ අධිපරිභෝජනය සහ ප්‍රදර්ශනයට කැමති කෙල්ලෙක් කියල එඩියුකේටඩ් ගෙස් එකක් කරන්න පුළුවන්. ඒ කොහොමද?
ඇත්තටම පෝසත් මිනිස්සු ජීවත් වෙන්නෙ හොඳට ඉන්ටීරියර් ඩිසයින් කරපු, ඉඩපහඩු, ලස්සන ගෙවල් වල. මේ වගේ දැක්කහම ඔළුව විකාර වෙන කුණුගොඩක නෙමේ.
ඇත්තටම පෝසත් මිනිස්සු මිළ වැඩි, උසස් තත්වයේ ගෘහ භාන්ඩ වගේ කල් පවතින දේවල් වලට මුදල් වියදම් කරනවා. මේ කෙල්ලගෙ ඩ්‍රෙසින් ටේබල් එකයි ෂූ රැක් එකයි බාල ගණයෙ ඒව.
ඇත්තටම පෝසත් මිනිස්සු ආඩම්බර වෙන්නේ තමන්ගෙ දේපළ, එකවුන්ට් එක ආදිය (assets) දිහා බලල. සපත්තු ගොඩක් (consumables/liabilities) වගේ දේවල් දිහා බලල නෙමේ. මෙතන රතු අඩිය තියෙන සපත්තු ඇත්තම Christian Louboutin නම් ඒව ඉතාම මිළ අධික සන්නාම. පට්ට පෝසත් නම් ඒව ගන්න එක අවුළක් නෑ, ඒත් මේ කෙල්ලගෙ ලිවින් කන්ඩිෂන් එක බැලුවම මට නම් එහෙම පේන් නෑ.
ඇත්තටම පෝසත් මිනිස්සු ගොඩක් වෙලාවට තමන්ගෙ පෞද්ගළික ජීවිතේ දේවල් හායි ගාල පෙන්නන්නෙ නෑ. ඒ පෙන්නුවත් ඒව පට්ට කොළිටියට තියෙනව. නමුත් මේක හරියට ෆ්ලෂ් නොකරපු ටොයිලට් එකක ෆොටෝ එකක් දාල "මම රෙන්නෙ commode එකක" කියල පෙන්නනව වගේ වැඩක්. පරම්පරා ගානක ඉඳල commode යූස් කරන පෝසත් එවුන් ෆ්ලෂ් නොකරපු ටොයිලට් එකක ෆොටෝ එක දැක්ක ගමන් අභිමානයෙන් හැමෝටම පෙන්නන මේ කෙල්ල දැක්ක ගමන් මේ කෙල්ලගෙ ඔරිජින් එක තේරැම් ගන්න බව මේකිට තේරෙන්නෙ නැහැ. ඒ නිසා මේ වගේ ෆොටෝ දාන එකේ අරමුණ පෝසත් බුද්ධිමත් ක්ලාසි කොල්ලන්ගෙ අවධානය ගන්න නම් ඒක මළාට වෙන්නෙ නෑ. මේවට අහු වෙන්නෙ මේ කෙල්ලගෙ සාම්පලේම කොල්ලො.
ඇත්තටම පෝසත් මිනිස්සුන්ගෙ ලයිෆ් ස්ටයිල් එකේ හැම කොටසක්ම අප්ග්‍රේඩ් වෙලා තියෙන්නෙ. ඔවුන්ට හොඳ ගෙයක් හොඳ වාහනයක් හොඳ සපත්තු හොඳ කෑම බීම හදිසි අවස්ථාවකට ගන්න අරන් තියපු මුදල් වගේ හැම දේම හොඳට තියෙනව. මෙයා ගැන මම දන්නෙ නැතත් මෙයා වගේ පෝසත් කියල පෙන්නන මිනිස්සුන්ගෙ සපත්තු රැක් එක ලොකු උනාට හදිසි අවස්ථාවකට ගන්න සල්ලි නෑ, මැගී නූඩ්ල්ස් කාල වේල පිරිමහගන්නෙ කාමර කෑල්ලක රෙන්ට් එකට ඉන්නෙ වගේ ලයිෆ් ස්ටයිල් එකේ සමහර වැදගත් කොටස් වල ගන්න දෙයක් නැහැ.
දුප්පත් මිනිහෙක්ට මේ කෙල්ල පෝසත් වගේ පෙනුනට පෝසත් මිනිහෙක් දන්නව මේ කෙල්ල දුප්පත් - මුදල් අතින් ආකල්ප අතින් සහ වෙනත් දේ අතින් - කියල.
මේ වගේ තරැණ කෙල්ලෙක්ට කොල්ලෙක්ට සපත්තු වගේ ඉක්මනට ක්‍ෂය වෙන දේවල් වලට අනවශ්‍ය විදියට සල්ලි පුච්චනවට වඩා රස්සාවක් කරනව නම් පුළුවන් තරම් ඉතිරි කරගෙන, රස්සාවෙ තව ඉහළට යන්න සුදුසුකම් හදා ගන්න මුදල් වියදම් කරන එක, පොඩි ආයෝජනයකට අත ගහන එක වගේ දේවල් කලොත්, සෑහෙන තැනකට ඇවිත් හොඳ ගෙදරක හොඳ ක්ලෝසට් එකක හොඳ සපත්තු ගොඩක් තියෙන,කොට ගවුම් ඇඳන් ඒව ෆොටෝ ගහල අවධානය ගන්න ඕන වෙන්නෙ නැති මට්ටමට හොඳ සමාජ තත්වයකට එන්න පුළුවන්.
No comments:
Post a Comment