අන්ජන උදේශ් වගේ හිතන අයට පිළිතුරක්

 

//රටේම අහිංසක මිනිස්සු පෝලිම්වල දුක් විදින එකේ ඉවරයක් නෑ.// ඕගොල්ලො බහුතරය අහින්සක මිනිස්සු නෙමේ අන්ජන. පහත ලියල තියෙන පෝස්ට් එකේ ඒක පැහැදිලි කරල තියෙනවා;

Chamod Hettiarachchi 

 පැය ගණන් පෝලිමේ ඉන්නෙ අපි මොන වරදක් කලාටද කියලා පෝස්ට් දානවා නේද? 

වරද කියලා දෙන්නද? 

වරද තමයි පුන පුනා හොරු, මංකොල්ලකාරයො, දූශකයො, අට පාස් නැති බූරුවො, මැරයො, මිනීමරුවෝ පාර්ලිමේන්තු යවපු එක. 

වරද තමයි නිදහස ලැබුණු දා ඉදන් සුදුසු උන් පැත්තට දාල තාත්තගෙන් පුතාට/දුවට හරි මිනිහගෙන් ගෑණිට හරි, මාමගෙන් බෑණාට හරි චන්දෙ දුන්න එක. 

වරද තමයි උන් මජර වැඩ ඔක්කොම කරද්දි, උන්ගෙ වාසියට ඔක්කොම නීති නවද්දි ඒකට විරුද්ධ වෙන්නෙ නැතුව පාට පක්ශ බදාගෙන උන්ව ආරක්ෂා කරපු එක. 

වරද තමයි ජාතිය ආගම කියල උසි ගැනුවවහම පිස්සු බල්ලො වගේ එකට ජීවත් උන අල්ලපු ගෙදර එකාට ගහන්න තරම් හරක් උන එක. 

වරද තමයි අපේ චන්දෙන් පත් උන උන්ව මහරජානෝ කරලා උන්ගෙ පස්සෙන් වැටීගෙන උන්ට පාරෙ ඉඩ දීගෙන නිවට විදිහට හිටපු එක.

වරද තමයි දූශන වංචා එලි වෙද්දි, පැනමා පේපරස් , පැන්ඩෝරා පේපර්ස් එලි වෙද්දි කටවහගෙන අපි හම්බ කලොත් අපි කනවා කිය කිය පොර ටෝක් දිදී හිටපු එක. 

වරද තමයි උසාවියෙ නඩු තියෙන, මිනීමැරුම් වංචා තියෙන, කම්බ හොරු රැලක් වටකරගෙන ආපු තක්කඩියෙක් ජනාධිපති කරලා උගෙ වටේ හිටපු පාදඩයො ටික ඇමතිලා කරපු එක. 

වරද තමයි ණය කුට්ටි කුට්ටි අරං ඒවයින් කොමිස් ගහලා හදපු මෙලෝ වැඩක් නැති සංවර්ධන ව්‍යාපෘති වලට හුරේ දාපු එක. 

වරද තමයි අලුත් රටක් හදන්න කතා කරපු වැඩ කරපු මහන්සි උන උන්ව කුදලගෙන යද්දි කටවල් වහගෙන අපිට නෙමේ වගේ හිටපු එක. 

වරද තමයි රටේ ආර්ථිකය ගැන දේශපාලනය ගැන අබමල් රේණුවක දෙයක් හොයන්නෙ කියවන්නෙ බලන්නෙ නැතුව ඉන්දියන් මෙගා නාටය ඇතුලේ කාලකන්නි වෙච්චි එක.

වරද තමයි සිවුරට, කුරානෙට, කුරුසෙට, රැවටිලා එකතු වෙනවා වෙනුවට බෙදිලා තමන්ගෙ ගොඩ ලොකු කරගන්න මරාගත්තු එක. 

වරද තමයි තාමත් මුන් ටික රට හදනකල් එලුවගෙ අහවල් එක වැටෙනකල් බලන් ඉන්න නරියා වගේ බලන් ඉන්න එක. 

වරද තමයි හරි දේට හරි කියන්නයි වැරදි දේට වැරදි කියන්නයි කොන්ද පණ නැති එක.

//ඒකට තාමත් ස්ථිර විසදුමක් පේන තෙක් මානෙක නෑ. ඒත් මිනිස්සුට මේ තරම් දුක් උහුලන්න බෑ.// 

ඒක නිසා තමයි ජනතාව සියලුම දෙනා එකාවගේ පාරට බැහැල ප්‍රජාතන්ත්‍රවාදීව අරගලය කරන්නට අවශ්‍ය වන්නේ.

//ඒ නිසා පින් සිද්ධ වෙයි මේකට උත්තර හොයන්න දේශපාලනය පැත්තකින් තියල මැදිහත් වෙමු. // 

මේක සීයට සීයක්ම දේශපාලනික ප්‍රශ්නයක්. මේක ස්වභාවික විපතක්, සතුරැ ආක්‍රමණයක් හෝ බාහිර සාධකයක් නොවේ. ඒ නිසා උත්තරයත් සීයට සීයක්ම දේශපාලනිකයි. 

//අපේ රටෙන් විදේශ ගත වෙලා ඉන්න පිරිස ලක්ෂ 25 කට ආසන්නයි.. එයින් ලක්ෂ 10 ක් එකතු වෙලා තමන්ගෙ ගෙදර අයට බැංකු හරහා ඩොලර් 1000 ගානෙ එව්වොත් ඩොලර් බිලියනයක්.. ඒ සල්ලි බැංකු වලින් මහ බැංකුව මිලට ගත්තොත් ඔබ දන්නවද මිනිස්සු මේ පෝලිම් වල දුක් විදින එක සම්පූර්ණයෙන් ඉවර කරන්න පුලුවන්.. //

මේක පෝළිම් පිළිබඳ ප්‍රශ්නයක් නෙමේ, රටේ සමස්ථ ව්‍යුහය බිඳ වැටීම පිළිබඳ ප්‍රශ්නයක්. රෝහල් වල බෙහෙත් නෑ, තියන ඒව වල ප්‍රමිතිය නරකලු, කෑම හිඟය, උද්ධමනය ඒව ගැන මොකද කියන්නෙ?  ඔය එක එක ප්‍රශ්නයට තව ඩොලර් දාහ දාහ ගානේ ඉල්ලනවාද, එහෙමවත් කරල බේර ගන්න බෑ මේක දේශපාලකයන් මාරැ නොකර. අනික ඉන්ධන පෝළිම් මේ තරම් නරක අතට ගිහින් තියෙන්නෙ ඕගොල්ලන්ගෙම කැත වැඩ නිසා (https://www.youtube.com/watch?v=NJHxulXkTn0). ඒ වගේම නිසි කළමණාකරනයක් නැති නිසා- ඒ කියන්නෙ දේශපාලනික නායකත්වයේ අවුළ. කළිනුත් කිව්වනෙ මේක සීයට සීයක්ම දේශපාලනික ප්‍රශ්නයක් කියල. 

පිටරට මිනිස්සු කරල දෙනකම් අතපය අකුළගෙන ඉන්නැතුව මේ යට කියල තියෙනව වගේ සිස්ටම් එකක්වත් හදා ගන්නවකො;

//ජූනි 1 වෙනිද අපි වෙනුවෙන් මේ වැඩේ කරන්න කියල අපි හැමෝම විදෙස්ගත ශ්‍රී ලාංකිකයන්ගෙන් ආයාචනයක් කරමු..//

එහෙම ඕගොල්ලො ඉල්ලන ඉල්ලන වෙලාවට සල්ලි එවන්න පිටරට මිනිස්සු සල්ලි ගස් වලින් කඩන්නෙ නෑ, ලන්කාවෙ වැඩිම ශ්‍රමිකයන් පිරිසක් ඉන්නෙ මැදපෙරදිග ශෘහ සේවයේ, සාත්තු සේවයේ, වගේ බ්ලූ කොළර් අඩු ආායම් වැඩි වැඩ සහිත රස්සාවල. ඒ මිනිස්සු වෙනුවෙන්  අන්ජන උදේශ්ල වචනයක්වත් කතා කරල තියෙනවද? පසුගිය කොරෝන කාලෙ ඒ මිනිස්සුන්ට මිනිස් බෝම්බ ලෙස සළකමින් බෝඩර් වහද්දි  අන්ජන උදේශ්ල වචනයක්වත් කතා කරල තියෙනවද? ඒ මිනිස්සු මැදපෙරදිග අසාධාරණයට ලක් වූ විට, මිය ගිය විට අන්ජන උදේශ්ල වචනයක්වත් කතා කරල තියෙනවද?  අන්ජන උදේශ්ලගෙ පෝළිම් නැති කරන්න ඒ මිනිස්සු මැදපෙරදිග නැහීගෙන හොයන මුදල් එවන්න කියල අන්ජන උදේශ්ල කියන්නෙ කටින්ද? ලන්කාවෙ බැන්කු පද්ධතිය කඩා වැටුනොත් ඒ මුදල් ගෙවන්නෙ අන්ජන උදේශ්ලද?

//කවුරු හරි මේ වැඩේට negatieve idea දෙනවනම්, 'දේශපාලකයන් හොරකන් කරයි' වගේ එයාලව unfriend කරල දාන්න. එකක්, පුද්ගලික ගිණුමකට දාන සල්ලි කාටවත් හොරකන් කරන්න බෑ කියන එකවත් නොතේරෙන නිසා. අනික, එහෙම කියල දේශපාලකයන් ඇත්තටම හොරකන් කරන විදි යට ගහන්න හදන නිසා. අනික, මේ වෙලාවෙ මිනිස්සු දුක් විදින එකෙන් ඒ වගේ අය යටි හිතින් කාළකණ්නි සතුටක් ලබන නිසා..//

පුද්ගලික ගිණුමකට දාන සල්ලි කාටවත් හොරකන් කරන්න බෑ කියන එකවත් නොතේරෙන නිසා නෙමෙයි ඒ විදේශ විනිමය යෙදවෙන්නේ පෙට්‍රල් ගේන්න කසේ වෙතත් උද්ගෝශකයන්ට නවීන ටියර් ගෑස්, බැරියර්, ජල විදීමේ වාහන ආදිය ගන්න, බේබිල රට සවාරි යවන්න ආදියට නිසයි දූෂිත රෙජීමය ඉන්නකන් අපි විදේශ විනිමය එවන්නැත්තේ. මේ වගේ ආත්මාර්ථකාමී අපතයො අන්ෆ්‍රෙන්ඩ් වෙන එක හුඟක් හොඳයි. මුන් තමයි රනිල් රටේ කෑල්ලක් විකුණලහරි පෝළිම නැති කලොත් ආයෙ  රනිල්-ගෝටටම ඡන්දෙ දෙන්නෙ. සුදන්තක ගොඩක් හොඳට මේක විග්‍රහ කරනව පහත වීඩියෝවේ;

https://www.youtube.com/watch?v=mhwZ4hnZH6U